Ռուսաստանի արտաքին գործերի նախարարությունը մեղադրել է Երևանին՝ Մոսկվայի դեմ քայլեր չձեռնարկելու վերաբերյալ տված խոստումը խախտելու մեջ։
ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, որ հայկական իշխանությունների ներկայիս արտաքին քաղաքական կուրսը վաղ թե ուշ կհանգեցնի Հայաստանի անդառնալի ներգրավմանը Բրյուսելի հակառուսական գծում։
Նրա խոսքով՝ Հայաստան-ԵՄ գագաթնաժողովի հռչակագիրը ցույց է տալիս, որ հայկական իշխանությունների համաձայնությամբ հանրապետությունը ներգրավվում է ագրեսիվ եվրաատլանտյան մեխանիզմների մեջ։ Նա նաև նշել է, որ Ռուսաստանում վրդովմունքով են հիշել, որ Վլադիմիր Զելենսկիին հարթակ է տրամադրվել Հայաստանում։
«Զելենսկին օգտվեց հայկական կողմի նման անհասկանալի հյուրընկալությունից՝ փորձելով դուրս գալ քաղաքական մոռացությունից և կրկին հնչեցնել իր արդեն հոգնեցրած ռուսատյաց հայտարարությունները», — ասել է Զախարովան՝ հավելելով, որ Զելենսկիի՝ մայիսի 9-ին Մոսկվային հարված հասցնելու հայտարարությանը Երևանում ոչ ոք չի արձագանքել։
