«Մասիս քաղաքում և շրջակա գյուղերում նախիջևանցիները շատ-շատ են, շատ-շատ են նաև մեր արցախցի եղբայրներն ու քույրերը, և բնական է, որ խոսակցությունը շատ ավելի անկեղծ ու ճշմարիտ պիտի լինի: Այսօրվա իշխանությունները խրտնում են Մասիս, Արարատ բառերից։ Մենք բոլորս պիտի հասկանանք, որ նրանց իշխանությունից հեռացնելը և հայկական ազգային իշխանություն ձևավորելն այլընտրանք չունի, եթե մենք չենք ուզում, որ Մասիս քաղաքը վաղը նորից անվանակոչեն Զանգիբասար։ Գիտեք, չէ՞, իրենց առաջ դրած Ալիևի նախապայմանը, որ, իբր թե, 300 000 ադրբեջանցիներ պիտի վերադառնան «իրենց» տները, և սրանք մի բառ անգամ չեն ասում, որ մոտ 500 000 հայեր այդ նույն ժամանակաշրջանում Ադրբեջանից բռնագաղթեցվել են, և Ալիևի, ադրբեջանցիների, թուրքերի, Թուրքիայի ոչ մի ասածի սրանք չեն հակադարձում», — այս մասին «Հայաստան» դաշինքի անդամների և Մասիս քաղաքի բնակիչների հանդիպմանը նշեց «Հայաստան» խմբակցության պատգամավոր Աղվան Վարդանյանը։
Մանրամասն՝ տեսանյութում։
