Իրանը փոխհատուցում է պահանջել արաբական հինգ երկրներից՝ «իր դեմ պատերազմում Իսրայելի և ԱՄՆ-ի կողմից հանդես գալու» համար, հայտարարել է ՄԱԿ-ում Իսլամական Հանրապետության մշտական ներկայացուցիչ Ամիր Սաիդ Իրավանին։
«Բահրեյնը, Հորդանանը, Կատարը, Միացյալ Արաբական Էմիրությունները և Սաուդյան Արաբիան պետք է ամբողջությամբ փոխհատուցեն Իրանին՝ իրենց անօրինական գործողությունների հետևանքով պատճառված ֆիզիկական և բարոյական վնասի համար»,- դիվանագետի խոսքերը մեջբերում է Tasnim-ը։
Նրա խոսքով՝ նշված երկրները խախտել են Իրանի նկատմամբ իրենց պարտավորությունները՝ դառնալով հակամարտության մասնակից Վաշինգթոնի և Թել Ավիվի կողմից։
