Պակիստանի կառավարությունը խստորեն դատապարտել է Իսրայելի գործողությունները Լիբանանի դեմ՝ նշելով, որ դրանք վնասում են տարածաշրջանում խաղաղության հաստատման ջանքերին։
Պակիստանի արտաքին գործերի նախարարության մամուլի խոսնակի տարածած հայտարարության մեջ Իսրայելի շարունակական հարվածները Լիբանանի դեմ, որոնք հանգեցրել են տասնյակ խաղաղ բնակիչների մահվան և ենթակառուցվածքների լայնածավալ ավերման, դատապարտվել են ամենախիստ ձևով։
«Իսրայելի գործողությունները խաթարում են միջազգային ջանքերը տարածաշրջանում խաղաղության և կայունության հաստատման ուղղությամբ և հանդիսանում են միջազգային իրավունքի ու հիմնարար հումանիտար սկզբունքների ակնհայտ խախտում», — նշվում է հայտարարության մեջ։
Պակիստանը միջազգային հանրությանը կոչ է արել ձեռնարկել անհապաղ և կոնկրետ քայլեր՝ դադարեցնելու Իսրայելի ագրեսիան Լիբանանի դեմ։
Ապրիլի 8-ին Իսրայելի բանակը հարվածներ է հասցրել Լիբանանի տարբեր շրջանների՝ հայտարարելով, որ 10 րոպեի ընթացքում իրականացրել է այս գործողության սկզբից ամենաինտենսիվ հարձակումները՝ խոցելով ավելի քան 100 թիրախ։
Լիբանանի իշխանությունների տվյալներով՝ հարվածների հետևանքով զոհվել է առնվազն 254 մարդ, իսկ 1,165-ը՝ վիրավորվել։
