Դոնալդ Թրամփը պատրաստ է ավարտել պատերազմը Իրանի հետ, նույնիսկ եթե Հորմուզի նեղուցը հիմնականում փակ մնա, հայտնում է The Wall Street Journal-ը։
Պարբերականի փոխանցմամբ՝ ամերիկյան առաջնորդը այս մասին տեղեկացրել է իր օգնականներին։
Այժմ Սպիտակ տանը կարծում են, որ նեղուցը ուժով բացելու համար կպահանջվի շատ ավելի երկարատև և ռիսկային ռազմական արշավ, քան ցանկանում է Թրամփը։
Փոխարենը, վարչակազմի անմիջական նպատակը Իրանի ռազմածովային ուժերի, հրթիռային զինանոցների, պաշտպանական արդյունաբերության և հարվածային կարողությունների թուլացումն է, որից հետո նախատեսվում է դադարեցնել ռազմական գործողությունները և փորձել դիվանագիտական ճնշում գործադրել Թեհրանի վրա՝ նավագնացության վերականգնումը թույլատրելու համար։
Սա նշանակում է, որ ԱՄՆ-ն կարող է սահմանափակվել նավագնացության ազատության մասնակի վերականգնմամբ՝ նախքան իր հիմնական ռազմական նպատակների ձեռքբերումը հայտարարելը։
Եթե դիվանագիտությունը ձախողի, Վաշինգտոնը, հաղորդվում է, հույս ունի, որ Եվրոպայում և Պարսից ծոցի տարածաշրջանում գտնվող դաշնակիցները հետագայում իրենց վրա կվերցնեն ջրային ուղու անվտանգության ապահովման հիմնական բեռը, այլ ոչ թե ԱՄՆ-ը, որը դա անմիջապես միայնակ կանի։
Սա լուրջ ռիսկ է, քանի որ Հորմուզի նեղուցը մնում է աշխարհի ամենակարևոր էներգետիկ հանգույցներից մեկը։
Նույնիսկ եթե ԱՄՆ-ն կարողանա հայտարարել Իրանի նկատմամբ ռազմական հաջողության մասին, նեղուցի մասնակի փակ մնալը կնշանակի, որ պատերազմի տնտեսական շոկը կարող է շարունակվել երկար ժամանակ նույնիսկ ռազմական գործողությունների ավարտից հետո։
