Pars Today-ի հաղորդմամբ, երկուշաբթի օրը, անդրադառնալով հանրային մտահոգություններին` Իրանի դեմ ԱՄՆ-ի և Իսրայելի պատերազմի ընդլայնման կապակցությամբ, Սթարմերն ասաց. «Բնական է, որ բրիտանացիները պատերազմական լուրերը լսելով՝ անհանգստանում են ճգնաժամի ավելի խորացման հնարավորությունից, այդ պատճառով շատ կարևոր է կրկնել իմ և Լոնդոնի կառավարության դիրքորոշումը, քանի որ այս պատերազմը մեր պատերազմը չէ, և մենք չենք նախատեսում ներգրավվել դրանում»։
Բրիտանիայի վարչապետը Իրանի դեմ ԱՄՆ-ի և Իսրայելի պարտադրված պատերազմի սկզբից կասկած է հայտնել դրա իրավական հիմքերի վերաբերյալ և հայտարարել, որ իր երկիրը չի մասնակցելու Իրանի դեմ ռազմական հարձակմանը։ Միևնույն ժամանակ, նա համաձայնել է ԱՄՆ-ի կողմից տարածաշրջանում բրիտանական ռազմական բազաների օգտագործմանը, սակայն այս որոշումն արթանցրել է ներքին հասարակական դժգոհությունը։
Գերմանիա․ Արևմտյան Ասիայում պատերազմի ընդլայնմամբ, կտրուկ ճնշման տակ կհայտնվի Եվրոպայի տնտեսությունը
Գերմանիայի կանցլեր Ֆրիդրիխ Մերցը կրկին պահանջել է Իրանի դեմ ԱՄՆ-ի և Իսրայելի ռազմական ագրեսիայի անհապաղ դադարեցումը և զգուշացրել, որ այս պատերազմի ընդլայնումը կարող է լրջորեն ճնշել Եվրոպայի տնտեսությունը։ Մերցը երկուշաբթի օրը, Բեռլինում կայացած մամուլի ասուլիսում, հայտարարեց․ Իրանի միջուկային հարցն ու տարածաշրջանային գործողությունները «միայն ռազմական գործիքներով հնարավոր չէ լուծել»։
