ԱՄՆ զինված ուժերը Իրանի հետ հակամարտության ընթացքում կորցրել են մոտ 10 ռազմական ինքնաթիռ եւ տասնյակից ավելի անօդաչու թռչող սարքեր, վնասվել են ռադարները եւ USS Gerald R. Ford ավիակիրը, տեղեկացրել է The Wall Street Journal (WSJ) թերթը:
Մարտի 1-ին խփվել են երեք F-15E Strike Eagle կործանիչներ, որոնք սխալմամբ խփվել են քուվեյթյան F/A-18 Hornet-ի կողմից: Նոր F-15-ի արժեքը մոտավորապես 100 միլիոն դոլար է: Մարտի 19-ին F-35A Lightning II-ը կատարել է արտակարգ վայրէջք. դրա փոխարինումը կարժենա 82.5 միլիոն դոլար
Բացի այդ, հակամարտության ընթացքում վնասվել են յոթ KC-135 Stratotanker օդային լիցքավորման ինքնաթիռներ՝ երկուսը բախման ժամանակ եւ հինգը՝ Սաուդյան Արաբիայի արքայազն Սուլթան ավիաբազայի վրա իրանական հրթիռային հարվածի ժամանակ: Վերջիններս ներկայում նորոգման փուլում են, անդառնալիորեն կորած ինքնաթիռները, ըստ WSJ-ի, հավանաբար կփոխարինվեն KC-46 Pegasus լիցքավորման ինքնաթիռներով, որոնց արժեքը մոտավորապես 165 միլիոն դոլար է: Բացի ինքնաթիռներից, ԱՄՆ զինված ուժերը կորցրել են տասնյակից ավելի MQ-9 Reaper անօդաչու թռչող սարքեր, որոնցից մի քանիսը խփվել են Իրանի կողմից, մյուսները ոչնչացվել են գետնի վրա հրթիռային հարվածներով, մեկը սխալմամբ խփվել է Պարսից ծոցի պետություններից մեկի կողմից: Այդ տեսակի անօդաչու թռչող սարքերը, որոնք ներկայում սպառազինության մեջ են ԱՄՆ զինված ուժերի կողմից, այլեւս չեն արտադրվում, եւ նոր MQ-9B SkyGuardian մոդելի մեկ միավորի արժեքը գնահատվում է 30 միլիոն դոլար:
Մարտական գործողությունների ընթացքում USS Gerald R. Ford ավիակիրը չի վնասվել, սակայն մարտի 12-ին նավի վրա հրդեհ է բռնկվել։ Նավը ներկայում նորոգման է ենթարկվում Սուդայի ծոցի հունական նավահանգստում։ Վնասի չափը չի հայտարարվել։
Վնասվել են նաեւ Մերձավոր Արեւելքում տեղակայված ամերիկյան արտադրության մի քանի ռադարներ։ Հորդանանում գտնվող THAAD հակահրթիռային պաշտպանության համակարգի մաս կազմող AN/TPY-2 ռադարի փոխարինումը կարժենա 300 միլիոն դոլար, Կատարի Ալ Ուդեյդ ավիաբազայում վնասված AN/FPS-132 ռադարը կարժենա 1 միլիարդ դոլար։
Պենտագոնի նախկին պաշտոնյայի՝ Wall Street Journal-ի մեջբերած գնահատականների համաձայն՝ ԱՄՆ-ը ստիպված կլինի մինչեւ 2.9 միլիարդ դոլար ծախսել ռազմական տեխնիկայի նորոգման կամ փոխարինման վրա։
