ՀՀ քաղաքացիներն իրենց մաշկի վրա են զգում ամենաթողության մթնոլորտը. Գառնիկ Դանիելյան

20 Մարտի, 2026

ՀՀ ԱԺ պատգամավոր Գառնիկ Դանիելյանը ֆեյսբուքյան իր էջում գրում է.

Այսօր Խորհրդարանում ՆԳՆ նախարար Արփինե Սարգսյանը հայտարարեց, որ 2025 թվականին 2024-ի համեմատ հանցագործությունների թիվը 3,2 տոկոսով նվազել է։

Մինչդեռ, որոշ տեսակի հանցագործություններ շեշտակի աճել են։ Խոսքը վերաբերում է առանձնապես ծանր հանցագործություններին, սպանություններին, խարդախության դեպքերին։

Վերջին ամիսներին օրը ցերեկով՝ մարդկանց աչքի առաջ, տեղի ունեցան այնպիսի դաժան սպանություններ, որոնք հիշեցրին մարտաֆիլմերից դրվագներ։

Նախորդ տարիների համեմատ՝ ավելացել են նաև գրպանահատության դեպքերը, որոնց մի մասը տեղի են ունենում հանրային տրանսպորտում։

Աճի միտում ունեն խարդախության դեպքերը, այդ թվում՝ առցանց տիրույթում։

ՀՀ քաղաքացիներն իրենց մաշկի վրա են զգում ամենաթողության մտնոլորտը։ Չկա վստահություն իրավապահ համակարգի նկատմամբ։

Իհարկե սա վատ միտում է, բայց մեր քաղաքացիները հաճախ նախընտրում են չներկայացնել հանցագործության մասին հաղորդում՝ հենց վստահության պակասից ելնելով։

Իմ օրինակով կարող եմ ասել, որ չնայած երկու անգամ հանցագործության մասին հաղորդում եմ ներկայացնել ավտոմեքենաս թալանելու և այրելու փորձի վերաբերյալ, բայց այդպես էլ ոչինչ չի ձեռնարկվել հանցագործությունները բացահայտելու ուղղությամբ։ Ի դեպ, ավտոմեքենաներից գողությունները ևս դարձել են սովորական երևույթ։

Ոչինչ չի արվում թմրամիջոցների լայն տարածումը կանխարգելելու ուղղությամբ, այդ թվում՝ անչափահասների շրջանում։ Մինչդեռ, սա ազգային անվտանգության խնդիր է։

Հանցավորության դեմ պայքարը պետք է ներառի դրա կանխարգելմանն ուղղված միջոցառումներ՝ այդ թվում վերլուծություններ, հետազոտություններ, դասընթացներ դեռահասների շրջանում, կրթական հաստատություններում:

Այլապես, ՆԳՆ-ի ներկայացրածից տպավորություն է ստեղծվում, թե ապրում ենք զուգահեռ իրականություններում:

Նմանատիպ նյութեր

Հենց Եղոյանը մոտենում է ամբիոնին, ես «Փիղն ու շնիկը» առակն եմ էլի ու էլի ուզում կարդալ․ Արթուր Խաչատրյան

  «Ազնիվ խոսք՝ Աստված, հենց Եղոյանը մոտենում է ամբիոնին, ես Կռիլովի «Փիղն ու շնիկը» առակն եմ էլի ու էլի ուզում կարդալ։ Գիտե՞ք, երբ դուք խոսում եք ժողովրդավարության մասին, երբ Դաշնակցությունը իշխանություն էր, աշխարհի առաջին երկրներից...

Երևանում մեկնարկել է հայ-ռուսական աշխատանքային խմբի առաջին նիստը. «Սպուտնիկ Արմենիա»

Երևանում մեկնարկել է հայ-ռուսական աշխատանքային խմբի առաջին նիստը. «Սպուտնիկ Արմենիա»

Երևանում մեկնարկել է ՀԿԵ-ի (Ռուսական երկաթուղիների դուստր ընկերություն) կոնցեսիայում գտնվող հայկական երկաթուղու գործունեության հարցերը քննարկելու նպատակով հայ–ռուսական աշխատանքային խմբի առաջին հանդիպումը, հաղորդում է Սպուտնիկ Արմենիան։Երկու երկրների ներկայացուցիչների...

Բանտերը լցված են քաղաքական հալածանքի ենթարկվող մեր քաղաքացիներով․ Լիլիթ Գալստյան

«Ինչպես գիտեք, երեկ Հայաստանի Ազգային ժողովում տեղի ունեցան «Հայաստան» խմբակցության նախաձեռնած լսումները, որոնց միացել էր նաև «Ուժեղ Հայաստան» խմբակցությունը։ Լսումները վերաբերում էին Հայաստանում ժողովրդավարության հետընթացին, ինչպես նաև...

Քննարկվել են Հայաստան-ՆԱՏՕ գործընկերության զարգացման հարցերը. ԱԳՄԱՆ

Քննարկվել են Հայաստան-ՆԱՏՕ գործընկերության զարգացման հարցերը. ԱԳՄԱՆ

ՀՀ արտաքին գործերի և միջազգային առևտրի նախարար Արարատ Միրզոյանը հանդիպում է ունեցել Կովկասում և Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Քևին Հեմիլթոնի հետ։ Զրուցակիցները քննարկել են Հայաստան-ՆԱՏՕ գործընկերության զարգացման հարցեր, այդ թվում՝...

Ստուբը կոչ է արել ԵՄ երկրների առաջնորդներին ուղիղ բանակցություններ վարել Պուտինի հետ

Ստուբը կոչ է արել ԵՄ երկրների առաջնորդներին ուղիղ բանակցություններ վարել Պուտինի հետ

«Չափազանց երկար ժամանակ մենք Ռուսաստանի հետ երկխոսության վարումը փոխանցել ենք ուրիշներին, ինչը, իմ կարծիքով, անպատասխանատու է», - հայտարարել է Ֆինլանդիայի նախագահը։ Այս մասին գրում է Ռիա նովոստին: Ֆինլանդիայի նախագահ Ալեքսանդր Ստուբը կոչ է արել Եվրամիության երկրների...