«Այս իշխանությունն ունի մի յուրահատկություն. Ժողովրդի նկատմամբ արել է սարսափելի բաներ և մարսել է, և իմ տպավորությունն այնպիսին է, որ իրենց թվում է, թե կարող են թքած ունենալ ամեն ինչի վրա և ևս մարսել: Ինձ համար, օրինակ շոկ էր, երբ պատերազմում պարտված, Եռաբլուրը եռապատկած քաղաքական ուժը և առաջնորդը վերընտրվում են։ Իրենց համար այս ազդակը ուրիշ էր, որ կարելի է ինչ ասես անել և մարսել»,- «Մեծ քաղաքականություն» փոդքասթի ժամանակ ասաց ՀՀ երկրորդ նախագահ Ռոբերտ Քոչարյանը։
«Հիմա էլ նույն ձև անում են։ Իրենք թքած ունեն մեր քաղաքացիների պրոբլեմների վրա։ Կա նախընտրական ժամանակահատված, մտել են դրա մեջ, իրենց համար նախապատվությունը դա է, որովհետև աթոռ պահելու խնդիր կա։ Մտածում են՝ հետո մի բան կհորինեք, մեր ժողովուրդը կմարսի․ և տեղ ունեն այդպես մտածելու, այդ վարքագիծը անհիմն չէ»,- ասաց Ռոբերտ Քոչարյանը։
Պատգամավոր Աննա Գրիգորյանի դիտարկմանը, որ մարդկանց տրամադրվածությունը շատ է փոխվել 2021-ից հետո, երկրորդ նախագահն ասաց․ «Հարցումներով երևում է դա, թեկուզ հիմա էլ հարցումները դարձել են ոչ թե տրամադրությունները չափելու գործիք, այլ տրամադրությունների վրա ազդելու գործիք: Մի խայտառակություն․ մենք հարցում ենք արել փետրվարի մեկից մինչև փետրվարի 15-ն ընկած ժամանակահատվածում, աղերս չունի այս հարցման հետ: Ու մեր հարցումը ոչ թե մենք ենք արել, մասնագետների ենք պատվիրել, 2400 հոգու շրջանակում․ այդպիսի քանակով մարդկանց հարցում Հայաստանում շատ վաղուց ոչ մեկը չի արել»։
Մանրամասն՝ տեսանյութում։
