Տեր Մաղաքիա քհն. Օհանյանը ֆեյսբուքում գրել է.
«Հայաստանի դատավորներն իրենց օժտել են կաթողիկոսական իշխանությամբ
Հայաստանն աշխարհում դարձավ առաջին երկիրը, որի դատարանը որոշեց կարգալույծ եղած երեք հոգևորականի վերականգնել իրենց պաշտոնին։ Ըստ դատարանի՝ քահանայությունը ոչ թե շնորհ է կամ կոչում, այլ՝ աշխատանք։
Դատարանը խախտեց ՀՀ Սահմանադությունը և միջամտելով Եկեղեցու ներքին կյանքին՝ ապօրինաբար իր վրա վերցրեց Հայոց Եկեղեցու բարձրագուն իշխանության գործառույթը։
Փաստորեն որոշ դատավորներ իրենց օժտել են կաթողիկոսական իշխանությամբ։
«Եկեղեցին բարենորոգելու» հակաեկեղեցական շարժման նոր վտանգավոր կանոնակարգով կարգազուրկ նախկին հոգևորականները կարող են իշխանությունների առջև ապաշխարել և դատարանով վերականգնվել քահանայագործության։
Սա հայհոյություն է Սուրբ Հոգու դեմ։ Սրանք «Ո՛չ Աստծուց են վախենում, ո՛չ էլ մարդկանցից ամաչում»։
Դատավորների անընդունելի և հակաօրինական որոշումները հղի են աղետալի հետևանքներով և նպաստում են Եկեղեցու պառակտման
ամոթալի գործընթացին։ «Վայ՜ նրանց, ովքեր ուղիղ ճանապարհը թողած՝ կգնան խավար ճանապարհով» (Առակներ 2:13):
ՀԳ. Ձեռնադրության շնորհը Առաքյալներից, անխախտ կերպով , հաջորդաբար փոխանցվել է 132-րդ Գարեգին Բ Ամենայն Հայոց Կաթողիկոսին։ Հետևաբար միայն Կաթողիկոսը Սուրբ Հոգուց իրեն տրված եկեղեցական բարձրագույն իշխանությամբ կարող է և՛ ձեռնադրել, և՛ կարգալույծ անել, ինչպես նաև վերականգնել քահանայագործության»։
