Տեսեք ով է պաշտպանում սրան: Ալիևը ամեն ինչ անում է, որ սա մնա իշխանության, որովհետև գիտի` երբ ուզենա կուլ կտա: Այս մասին Արտաշատում քաղաքացիների հետ հանդիպման ժամանակ ասաց «Հայաստան» խմբակցության պատգամավոր Աղվան Վարդանյանը։
«Պաշտպանում է նաև Թուրքիայի արտգործնախարար Ֆիդանը, ասում է՝ շատ ճիշտ քաղաքականություն է, մենք աջակցում ենք այդ քաղաքականությանը։ Բայց ոչ մեկ Ֆիդանին հարց չի տալիս ասի՝ դու կուզեի՞ր, որ Թուրքիայի նախագահը լիներ սուտասան, վախկոտ, սարսափելի շատ փող սիրող մարդ։ Բայց մեր հակառակորդներին պետք ա, որ Հայաստանում նման մարդիկ իշխանություն լինեն, որ Հայաստանի հետ ինչ ուզենան անեն»,- ասաց նա:
Խոսելով ընտրություններին մասնակցության կարևորության մասին Վարդանյանը նշեց, որ ինչքան շատ լինի մասնակցությունը, կբացառվի այս իշխանության վերարտադրվելը։ Պատգամավորը խոսեց նաև թիմի ծրագրերի մասին․
«Մեր ծրագրով մենք գալու ենք և առաջին երկու տարին 27 և 28 թվերին գույքահարկը 25-ական տոկոսով էժանացնելու ենք: Հիշում եք՝ չորս տարի 25-25% բարձրացրեցին, 100%-ով գույքահարկը բարձրացավ, որը վերաբերում է մեզանից յուրաքանչյուրին: Իհարկե դա չի վերաբերվելու գերթանկարժեք դղյակներին, թանկարժեք գույքերին:
Հաջորդը ես անձամբ խոստանում եմ և ծրագրում գրելու ենք, որ Հրազդանի ձորին կից կառավարական դաչայում ոչ մի նախագահ, ոչ մի պաշտպանության նախարար, ոչ մի Ալեն Սիմոնյան, ոչ մի վարչապետ չի ապրելու։ Այդ դաչաները փակվելու են և տրվելու է մեր զինվորների վերականգնմանը «Զինվորի տուն» ծրագրին: Փակվելու է նաև Սևանի ամառանոցը, որը դառնալու է սոցիալական անապահով մարդկանց երեխաների համար կարևոր մի տեղ»։
Մանրամասն՝ տեսանյութում։
