Վալենտին, դիմակահանդես, Նիցցա․ երևանցիների փողերով Ավինյանի մտերմուհիները մեկնում են Ֆրանսիա․ Լիա Սարգսյան

4 Փետրվարի, 2026

Վալենտինին քաղաքապետ Տիգրան Ավինյանը որոշել է Երեւանի բյուջեի հաշվին իր մտերմուհիներին գործուղել Ֆրանսիա՝ դիմակահանդեսի մասնակցելու։

«Իշխանություն» լրատվականի ձեռքի տակ հայտնված փաստաթղթում գրված է, որ Երեւանի քաղաքապետարանի աշխատակազմի քարտուղարի տեղակալ Մարինա Աղաջանովան եւ Երեւանի քաղաքապետի խորհրդական Սոնա Թեւանյանը փետրվարի 13-15-ը ներառյալ կգործուղվեն Ֆրանսիայի Նիցցա քաղաք՝ «Կեցցե՛ թագուհին» դիմակահանդեսին մասնակցելու համար։ Փաստաթղթում նշված է, որ գործուղման ծախսերն իրականացվում են Երեւանի բյուջեի միջոցների հաշվին, բացառության՝ գիշերավարձի, որը հոգում է հրավիրող կողմը։

Այս գործուղման իրավաչափությունն ու նպատակահարմարությունը լուրջ հարցեր է առաջացնում։ Ի՞նչ գործ ունեն Երևանի քաղաքապետարանի պաշտոնյաները Նիցցայի «Կեցցե՛ թագուհին» դիմակահանդեսում, նրանց մասնակցությամբ ի՞նչ քաղաքային խնդիր է լուծվում, ո՞րն է այս գործուղման հանրային շահը, եւ ամենակարևորը՝ ինչո՞ւ է դրա համար վճարում երևանցին։

Փաստացի խոսքը գնում է ոչ թե աշխատանքային անհրաժեշտությունից բխող գործուղման, այլ «էլիտար ժամանցի» մասին, որը պաշտոնական փաստաթղթում ներկայացվում է նաեւ «քաղաքային տնտեսության կառավարման բնագավառում փորձի փոխանակում»։ Եթե անգամ գիշերավարձը հոգում է հրավիրող կողմը, մնացած բոլոր ծախսերը՝ ճանապարհածախս, օրապահիկ, ծառայողական այլ վճարներ, իրականացվում են Երևանի բյուջեի հաշվին։

«Կեցցե՛ թագուհին» դիմակահանդեսին մասնակցող տիկնայք Ամանորին միլիոնների պարգեւավճար են ստացել, եթե «Սիրո տոնը» ուզում էին Ֆրանսիայում նշել՝ բարոյական կլիներ, որ այն կազմակերպեին ոչ թե երեւանցիների հաշվին, այլ իրենց միջոցներով։ Երևանի քաղաքապետարանի աշխատակիցները դեկտեմբերին շուրջ 635 միլիոն դրամ պարգևավճար են ստացել։

Ամենախոշոր պարգևավճարները ստացել են հենց քաղաքապետի մտերիմները՝ պայմանավորված նաեւ իրենց զբաղեցրած պաշտոններով։ Այսօր նույն անձինք, ովքեր արդեն իսկ օգտվել են հսկայական պարգևավճարների, նորից հայտնվում են արտոնյալ վիճակում՝ մեկնելով Ֆրանսիա՝ պետական միջոցների հաշվին, եւ այս ամենը տեղի է ունենում տրանսպորտի թանկացման, գույքահարկի, աղբահանության թանկացման, բակերի եւ փողոցների անմխիթար վիճակի ֆոնին։

Լիա Սարգսյան

Նմանատիպ նյութեր

Ինչո՞ւ է Հայ առաքելական եկեղեցին գործող իշխանության գլխավոր թիրախը. «Փաստ»

Ինչո՞ւ է Հայ առաքելական եկեղեցին գործող իշխանության գլխավոր թիրախը. «Փաստ»

«Փաստ» թերթը գրում է. «Վերջին օրերին փաշինյանական իշխանության «կարկառունները» վերստին սևեռվել են Հայ առաքելական եկեղեցու և Ամենայն հայոց կաթողիկոսի վրա: Առաջին հայացքից, կարծես, ոչ մի նոր բան չկա: Քպական «կարկառունները», այսպես ասենք, հերթական անգամ «փայլատակեցին»...

Նորանշանակ ՄՍԾ պետը․ ով է Արամ Միրիջանյանը և ինչ ունեցվածք ունի. «Ժողովուրդ»

Նորանշանակ ՄՍԾ պետը․ ով է Արամ Միրիջանյանը և ինչ ունեցվածք ունի. «Ժողովուրդ»

«Ժողովուրդ» օրաթերթը գրում է. «Ինչպես երեկ հայտնել էր «Ժողովուրդ» օրաթերթը, վարչապետ Նիկոլ Փաշինյանի որոշմամբ՝ Արամ Միրիջանյանը նշանակվել է ՀՀ աշխատանքի և բարեկեցության նախարարության Միասնական սոցիալական ծառայության պետ։ ArmLur.am-ն ներկայացնում է, թե ով է ՄՍԾ...

Խաղաղության պատրանքը և ուժի գործոնն առաջ մղող միջազգային իրավիճակը. «Փաստ»

Խաղաղության պատրանքը և ուժի գործոնն առաջ մղող միջազգային իրավիճակը. «Փաստ»

«Փաստ» թերթը գրում է. «Հանրային ու փորձագիտական մտքի համար կենսական նշանակություն ունի հասկանալը, թե ինչու հատկապես 2020 թվականին լայնածավալ կերպով սկսվեց Արցախի դեմ ուղղված ռազմական ագրեսիան, և արդյոք այսօր էլ գոյություն ունի՞ իրական հավանականություն, որ կարող է տեղի...

Պապոյանի խառը հայտարարությունները․ Ռուսաստան չի մեկնել՝ սահմանափակումները չեն վերացվի. «Ժողովուրդ»

Պապոյանի խառը հայտարարությունները․ Ռուսաստան չի մեկնել՝ սահմանափակումները չեն վերացվի. «Ժողովուրդ»

«Ժողովուրդ» օրաթերթը գրում է. «Էկոնոմիկայի նախարար Գևորգ Պապոյանը վերջին օրերին Ռուսաստանի կողմից հայկական ապրանքների նկատմամբ կիրառվող սահմանափակումների հարցում բավականին խառը հայտարարություններ է անում՝ մի կողմից խոստանալով հասնել դրանց վերացմանը, մյուս կողմից՝...

Ամեն ինչ հանձնելուց հետո քո հրաժարականը ո՞ւմ է պետք. Սաղաթելյանը՝ Փաշինյանին

Ամեն ինչ հանձնելուց հետո քո հրաժարականը ո՞ւմ է պետք. Սաղաթելյանը՝ Փաշինյանին

ՀՀ ԱԺ պատգամավոր Իշխան Սաղաթելյանը ֆեյսբուքյան իր էջում գրում է. Իշխանությանը հեռացնելու համար ընդդիմությանը ոչ թե իշխանության հետ գործարքի գնալ է հարկավոր, այլ նրա հետ որևէ գործարքի բացառում։ Հետևաբար՝ ընդդիմությանն առաջարկված գործարքը. համաձայնեք Ալիևի բոլոր...