Ինչպես խուսափել իշխանությունների «ջրաղացին ջուր լցնելուց». «Փաստ»

31 Հունվարի, 2026

«Փաստ» օրաթերթը գրում է. Առաջիկայում սպասվող խորհրդարանական ընտրությունների հետ կապված՝ ակնհայտ է ու անվիճելի, որ լինելու է առնվազն երկու խոշոր բևեռ՝ իշխանություն և ընդդիմություն:

Իշխանության սեգմենտում, հասկանալի է, հանդես են գալու նաև «փաշինյանական դաշտում» գործող մի քանի փոքր կուսակցություններ կամ դաշինքներ, որոնք, ինչպես ցույց են տվել նախորդ ընտրությունները, այդ թվում՝ ՏԻՄ, 5 տոկոսի հնարավորություն չունեն: Առավելագույնը՝ 1-2, մաքսիմում՝ 3 տոկոս: Ու ընտրապայքարում ինչ-որ կերպ նրանց ներդրվելու խնդիրը ձայներ փոշիացնելն է կամ առավելագույնը ինչ-ինչ կեղծիքներով, «թվանկարչությամբ» յուրային սատելիտներից գոնե մեկին մի կերպ ԱԺ մտցնելը:

Երկրորդ բևեռում, հասկանալի է, իրական, արմատական ընդդիմությունն է: Խոսքն առաջին հերթին խորհրդարանական ընդդիմության և «Մեր ձևով» շարժման մասին է, ինչպես և մի քանի այլ կուսակցության, որոնք, հնարավոր է, հանդես գան դաշինքով:

Ի լրումն այս ամենի, ի հայտ է գալիս մի երրորդ կողմ, որը, կամա թե ակամա (ուզում ենք հուսալ, որ ակամա), աշխատում է Նիկոլ Փաշինյանի օգտին: Այս խումբն էլ, ի դեպ, պայմանականորեն կարելի է երկու մասի բաժանել:

Մի մասը, ինչպես արդեն նշել ենք, «բոլորին դեմ» անընկալելի թեզով հանդես եկողներն են, այդ թվում՝ նաև այդ թեզը որպես «ինքնալուծարվող կուսակցություն» ձևավորելու հենք վերցրած նախաձեռնությունը: Ակնհայտ է, որ այն նորից ձայների փոշիացման հարց է լուծելու, ինչը ձեռնտու է բացառապես իշխանություններին: Թե ինչու է ձեռնտու, արդեն նախորդ հրապարակման մեջ նշել ենք:

Այս շարքի երկրորդ պայմանական խմբում նրանք են, որոնք քնել, քնել են, ապա ելել ու հայտարարում են, թե այս կամ այն գործիչը, ուժը չպիտի մասնակցեն ընտրություններին: Այս խումբն էլ հետաքրքիր է նրանով, որ թիրախավորում է հնարավոր հիմնական ուժերին ու գործիչներին, որոնք հաստատ անցողիկ շեմը հաղթահարող են, եթե չասենք՝ առնվազն միասնական ջանքերով հաղթող: Հնարավոր է՝ այլոց չմասնակցության մասին պնդողների նպատակն այն հույսն է, որ իրենց թիրախավորած գործիչների չմասնակցելը արդեն իրենց հնարավորություն կտա որոշակի տոկոսներ հավաքել:

Բայց նախ՝ դա ուղիղ գծով դեմ է ժողովրդավարության սկզբունքին:

Մյուս կողմից՝ դա հենց նիկոլական դիրքորոշում է: Ինչպես նշում են մի շարք փորձագետներ, չի բացառվում, որ այդ ճանապարհով կարող է գնալ Նիկոլ Փաշինյանը՝ ինչ-ինչ միջոցներով, Արևմուտքի անթաքույց ու ցինիկ աջակցությամբ արգելելով այս կամ այն ուժի մասնակցությունն առաջիկա ընտրություններին:

Իսկ առհասարակ, ոչ մեկը չի կարող ասել ու որոշել, թե ով առաջադրվի, ով չառաջադրվի: Տեսականորեն բոլոր նրանք, ովքեր ընտրվելու իրավունք ունեն, կարող են առաջադրվել: Ընտրողները կորոշեն, թե ում են ընտրում: Սա, իհարկե, այն պարագայում, եթե չհաշվենք իշխանությունների կողմից սպասվող ընտրակեղծիքների պարագան: Բայց դա այլ հարց է, որի դեմը պետք է առնել էլի միասնաբար, իսկ հիմա, ամեն պարագայում, կարծում ենք, չարժե տուրք տալ լատենտ իշխանական մոտեցումներին:

Հոդվածն ամբողջությամբ կարող եք կարդալ   «Փաստ» թերթի՝ 31․ 01․ 26

Նմանատիպ նյութեր

Դադարեցրե՛ք ՔՊ-ին քննադատողների նկատմամբ հետապնդումները, ազատե՛ք քաղբանտարկյալներին․ Արթուր Խաչատրյան

«Հայաստան» խմբակցության քարտուղար Արթուր Խաչատրյանը ներկայացրել է Ազգային ժողովի հայտարարության նախագիծ՝ Հայաստանում քաղաքական հետապնդումների ենթարկվող անձանց իրավունքների պաշտպանության և նրանց իրավական երաշխիքների...

Քոչարյանը մեզ համար պայքարից չնահանջելու օրինակ է․ Հայկ Աթոյան

Քաղաքական հետապնդումները Հայաստանում սկսվել են դեռևս 2018 թվականի հուլիսի 27-ից, երբ կալանավորվեց ՀՀ երկրորդ նախագահ Ռոբերտ Քոչարյանը։ Այս մասին հայտարարել է «Հայաստան» դաշինքի անդամ Հայկ Աթոյանը։ Նրա խոսքով՝ այն ժամանակ...

Ձեզ բոլորիդ համախմբում է մեկ ընդհանուր հանցագործություն․ դուք պետական հանցագործություն եք կատարում․ Եգանյանը՝ իշխանությանը 

«Նիկոլ Փաշինյանը, գալով իշխանության գլուխ, առաջինը թիրախավորեց Հայոց եկեղեցին։ Բայց տեսնում ենք՝ ուր է դա նրան տանում։ Ոչ մի լավ տեղ չի տանում։ Նիկոլ Փաշինյանը եկավ դագաղներով․ իրենք դագաղներն էին պարեցնում։ Եվ ես չեմ կարող մոռանալ մի շատ...

Օդի ջերմաստիճանը կնվազի 3-5 աստիճանով

Օդի ջերմաստիճանը կնվազի 3-5 աստիճանով

Երևանում նոյեմբերի 16-ի ցերեկը, 17-ի գիշերը, 19-21-ին սպասվում է կարճատև անձրև։ Նոյեմբերի 17-ի ցերեկը և 18-ին սպասվում է առանց տեղումների եղանակ։ Հանրապետության տարածքում նոյելբերի 16-ի ցերեկը, 17-ի գիշերը,18-ի և 19-ի ցերեկը, 20-21-ին ժամանակ առ ժամանակ առանձին...

Արևմուտքի ուշադրությունը պետք է մշտապես պահել Հայաստանի իրադարձությունների վրա․ Տիգրան Քոչարյան

«Շատերն ասում են՝ տեսե՛ք, Նիկոլ Փաշինյանի թիկունքին կանգնած է հավաքական Արևմուտքը և աչք է փակում այն ամենի վրա, ինչի դեպքում նախկինում աչք չէր փակում։ Այստեղ նույնպես լուծումներ կան։ Հավաքական Արևմուտքի ուշադրությունը պետք է անընդհատ...