ԱԺ-ում քննարկվում է կառավարության նախաձեռնած «Զինվորական ծառայության և զինծառայողի կարգավիճակի մասին» օրենքում փոփոխություն կատարելու մասին օրենքի նախագիծը, որով նախատեսվում է շարքային կազմի պարտադիր զինվորական ծառայության 24- ամսյա ժամկետը փոխարինել 18-ամյաս ծառայության ժամկետով՝ դրա գործողությունը տարածելով 2026 թվականի հունվարի 1-ից հետո պարտադիր զինվորական ծառայության զորակոչվող քաղաքացիների վրա։ Նախագիծը ներկայացրեց պաշտպանության նախարար Սուրեն Պապիկյանը։
Նա նշեց, որ 2025 թվականի ձմեռային զորակոչի շրջանակներում Զինված ուժերի համալրումը սկսվելու է 2026 թվականի հունվարի 7-ից, որի արդյունքում 18-ամսյա ժամկետով ծառայություն են իրականացնելու 2025 թվականի ձմեռային զորակոչից սկսած պարտադիր զինվորական ծառայության զորակոչված քաղաքացիները։
Պապիկյանն ընդգծեց, որ ծառայության ժամկետի կրճատումը չի տարածվելու 2026 թ հունվարի 1-ի դրությամբ պարտադիր զինվորական ծառայության մեջ գտնվող զինծառայողների վրա։
«Շարքային կազմի պարտադիր զինվորական ծառայության ժամկետի կրճատումը հնարավոր է դարձել վերջին տարիներին պայմանագարային զիոնվորական ծառայության գրավչության ավելացման ու ընդլայնման ուղղությամբ կատրաված շարունակական աշխատանքների շնորհիվ»,- ասաց նա։
