«Առանձնակի ուզում եմ շեշտել հատկապես փաստաբանների դերակատարությունը ու ցավոք սրտի այսօր մեծաթիվ փաստաբաններ չկարողացան մինչև վերջ լսումներին մնալ և ելույթներ ունենալ, որովհետև ինչպես արդեն պարզ է, Հայաստանի դատական համակարգը այնքան է ծանրաբեռնել փաստաբաններին, հատկապես քաղաքական գործերով, որ շատ փաստաբաններ ուղղակի ներողություն խնդրեցին, որ չեն կարող մնալ, պետք է գնան դատական նիստերին մասնակցությունն ապահովելու: Ուզում եմ նաև անդրադառնալ երկու կարևոր խնդրի․ առաջինը գլխավոր դատախազի այս լսումներին չմասնակցելը և դրա, այսպես կոչված, հիմնավորումն է: Օրեր առաջ, երբ գլխավոր դատախազն այս ամբիոնից հայտարարություններ էր անում և ապօրինի վերաբացված քրեական գործի զարգացումների հետ կապված ինչ-որ մեջբերումներ էր անում այսօր, որ ամենակարևոր հարցերից մեկն է, ոչ միայն չի բարեհաճել ներկայանալ, նաև ներկայացուցիչ անգամ չի ցանկացել ուղարկել։ Սա խոսում է հենց վառ ապացույցների մասին, թե որքան հստակ քաղաքական դիրքորոշում ունի Հայաստանի Հանրապետության գլխավոր դատախազը»,- այս մասին ԱԺ-ում քաղբանտարկյալների վերաբերյալ «Հայաստան» խմբակցության նախաձեռնած լսումների ժամանակ ասաց խմբակցության քարտուղար Արծվիկ Մինասյանը։
Մանրամասն՝ տեսանյութում։
