«Իշխանությունը ինքը ոչ միայն գործադրել է ողջ վարչական ռեսուրսը, հանրության պատկանող ֆինանսական միջոցները ոչ միայն ընտրակաշառքի տեսքով տվել է ընտրողներին, նաև գործադրել է իր ամբողջ, այսպես կոչված, «լիազորությունները» բռնության ենթարկելու քաղաքացիներին։ Մի մոռացեք, որ այս քարոզարշավի ընթացքում նաև մարդ է մահացել քրեակատարողական հիմնարկում, մի մոռացեք, որ այս իշխանությունը Հայաստանում երբևէ եղած ամենախայտառակ ընտրություններն անցկացրած իշխանությունն է։ Հիմա իրենք, բնական է, բարձրաձայնում են, թե իբր ընդդիմադիրները ընտրակաշառքով են ընտրվել։ Ավելին Նիկոլ Փաշինյանը հիմա էլ հրահրում է քաղաքացիական բախումներ, քաղաքացիական բախումների անոնս է անում»,- այս մասին ՍԴ-ի դիմաց լրագրողների հետ զրույցում ասաց «Հայաստան» խմբակցության քարտուղար Արծվիկ Մինասյանը։
Մանրամասն՝ տեսանյութում։
