Սա շինծու, ապօրինի ու անհիմն գործ է։ Այս մասին Հակակոռուպցիոն դատարանի դիմաց լրագրողների հետ զրույցում հայտարարեց Սամվել Կարապետյանի փաստաբան Արմեն Ֆերոյանը։
«Դատարանը լսել է դատավարության կողմերին։ Վարույթ իրականացնող մարմինը ներկայացրել է իր դիրքորոշումը։ Բավականին ծավալուն էր փաստաբանական թիմի հարցադրումները ու ընդհանուր գործը 18 հատորից է բաղկացած։ Ժամեր շարունակ մենք հարցեր ենք տալիս վարույթն իրականացնող մարմնին ու կարելի է ասել չի լինում որևիցե հարցի հստակ պատասխան, քանի որ այս քրեական գործը ամբողջությամբ, կարելի է ասել, Սամվել Կարապետյանին բացարձակ չի վերաբերում։ Սա շինծու, ապօրինի ու անհիմն գործ է։ Բացարձակ անհիմն է։ 18 հատորից գործ է բաղկացած, բայց 18 հատորից որ էջը ասում ենք՝ թերթեք և ցույց տվեք՝ ինչ կապ ունի դա Սամվել Կարապետյանի հետ, որևէ ձևով չեն կարողանում հիմնավորել»,- ասաց նա։
Մանրամասն՝ տեսանյութում։
