Իրանական կողմի նախաձեռնությամբ Ռուսաստանի ԱԳ նախարար Սերգեյ Լավրովը և Իրանի ԱԳ նախարար Աբբաս Արաղչին հեռախոսազրույց են ունեցել։ Այս մասին ասվում է ՌԴ ԱԳՆ հաղորդագրության մեջ։
Նշվում է, որ արտաքին գերատեսչությունների ղեկավարները մտքեր են փոխանակել հրատապ հարցերի շուրջ՝ կենտրոնանալով աֆղանա-պակիստանյան լարվածության կարգավորմանը քաղաքական և դիվանագիտական միջոցներով նպաստելու վրա։ Քննարկելով պաղեստինա-իսրայելական խաղաղության գործընթացը՝ նախարարները շեշտել են համընդհանուր ճանաչված միջազգային իրավական հիմքի վրա կայուն խաղաղության հասնելու կարևորությունը։
Ըստ հաղորդագրության՝ Ատոմային էներգիայի միջազգային գործակալության (ԱԷՄԳ) կառավարիչների խորհրդի բացման նիստից առաջ տեղի են ունեցել Իրանի միջուկային ծրագրի վերաբերյալ օգտակար քննարկումներ։
