Նոյեմբերի 9֊ին «Հայաստան» խմբակցության պատգամավորներ Մհեր Մելքոնյանը և Արմենուհի Կյուրեղյանը Շիրակի մարզում հերթական անգամ հանդիպել են քաղաքացիների հետ։
Մհեր Մելքոնյանի փոխանցմամբ՝ քննարկվել են մի շարք սոցիալական, տնտեսական, համայնքային և անձնական բնույթի հարցեր՝ փորձելով գտնել գործնական լուծումներ յուրաքանչյուր ներկայացված խնդրի համար։
«Քաղաքացիների մտահոգությունները կրկին վկայում են՝ գործող իշխանությունը չի լսում սեփական ժողովրդին։
Մենք շարունակելու ենք գործել հանուն ազգային արժանապատվության, սոցիալական արդարության և ուժեղ Հայաստանի։
Շնորհակալ եմ մեր քաղաքացիներին վստահության և բաց ու անկեղծ զրույցի համար»,- նշել է նա։
