Նպատակը ոչ թե իրավական պրոցեսն է, այլ հաշվեհարդարը․ Արամ Վարդևանյանը՝ Սամվել Կարապետյանի քրգործի մասին

7 Նոյեմբերի, 2025

Փաստաբան Արամ Վարդևանյանն անդրադարձել է ազգային բարերար Սամվել Կարապետյանի՝ ապօրինի քաղաքական հետապնդման հետ կապված ՔԿ նախագահի հայտարարություններին։

«Զարմանք է առաջացնում, թե ինչպես էր Քննչական կոմիտեի նախագահը որոշակի զարմանքով դիրքորոշում ներկայացնում այն մասին, թե ինչպես է հնարավոր այս քրեական վարույթի շրջանակներում, օրինակ, կոչի դրվագը՝ «Մեր ձևով կմասնակցենք եկեղեցու պաշտպանությանը» նախադասությունը, ըստ քննչական մարմնի և դատախազության, հանդիսանում իշխանությունը բռնությամբ զավթելու կոչ։ Քննչական կոմիտեի նախագահը զարմանք էր արտահայտում, թե ինչպես է հնարավոր նշված դրվագն անջատել քրեական վարույթից և ուղարկել դատարան»,- ասել է Վարդևանյանը։

Նա հիշեցրել է, որ 130 օրից ավելի է՝ Սամվել Կարապետյանը կալանավորված է, և Քննչական կոմիտեի 53 քննիչներից բաղկացած խումբն այդպես էլ չի կարողանում այդ գործով որևէ վերջնական վարութային ակտ կայացնել։

Փաստաբանը զուգահեռներ է անցկացնում՝ մատնանշելով․ «Օրինակ, Միքայել Սրբազանի դեպքում ենթադրյալ կոչի դրվագով նախաքննությունը տևեց մոտ 20 օր։ Հանրային գործիչ, նախկին պատգամավոր Ռուբիկ Հակոբյանի վերաբերյալ ենթադրյալ կոչի դրվագը կրկին տևեց մոտ 20 օր։ Բայց Սամվել Կարապետյանի դեպքում այն տևում է 130 օրից ավելի, և որևէ վերջնական վարութային ակտ չկա»։

Վարդևանյանը նշել է, որ Քրեական դատավարության օրենսգրքի 10-րդ հոդվածի 2-րդ մասը ուղիղ մեխանիզմ է նախատեսում, թե ինչպես է հնարավոր նման վարույթից մասեր անջատել, քանի որ Կարապետյանի գործում առկա են նաև մի շարք անհասկանալի տնտեսական բնույթի մեղադրանքներ։

Ըստ նրա՝ օրենսգրքի վկայակոչված հոդվածը թույլ է տալիս անջատել նոր վարույթի շրջանակներում, կայացնել վարութային գործողություններ, այդ թվում՝ վերջնական գնահատական տալ և, օրինակ, ուղարկել դատարան։ Փաստաբանը նշում է, որ այլ սպասում չունի Քննչական կոմիտեից, թեև իրավունքի գերակայության պարագայում նրանք պետք է քրեական հետապնդումը դադարեցնեին ընդհանրապես։

«Ի վերջո, այս 5 ամսվա նախաքննությունը ցույց է տալիս, որ այստեղ նպատակը բնավ իրավական պրոցեսը չէ։ Այստեղ նպատակը հաշվեհարդարն է, քանի որ հունիսի 17-ին նման խոստում էր տրվել»,- հավելել է Վարդևանյանը։

Մանրամասները տեսանյութում։

Նմանատիպ նյութեր

Մալանկարայի ասորի ուղղափառ եկեղեցու առաջնորդը զորակցություն է հայտնել Վեհափառին և Հայ առաքելական եկեղեցու հոգևորականներին

Մալանկարայի ասորի ուղղափառ եկեղեցու առաջնորդը զորակցություն է հայտնել Վեհափառին և Հայ առաքելական եկեղեցու հոգևորականներին

Մալանկարայի ասորի ուղղափառ եկեղեցու առաջնորդ Բասիլիոս Մար Թոմա Մատթեոս III-ը զորակցություն է հայտնել Ամենայն հայոց կաթողիկոս Գարեգին Բ-ին և Հայ առաքելական եկեղեցու հոգևորականներին։ Այս մասին հայտնում է Մոսկվայի հայկական եկեղեցին։ «Մեզ միավորում են նույն հավատքը և...

ՌԴ քաղաքացուն ու նրա ընտանիքի 6 անդամներին «Nissan»-ում բռնկված հրդեհից փրկել են

ՌԴ քաղաքացուն ու նրա ընտանիքի 6 անդամներին «Nissan»-ում բռնկված հրդեհից փրկել են

Այսօր՝ նոյեմբերի 22-ին, արտակարգ դեպք է տեղի ունեցել Արագածոտնի մարզում։ Ժամը 12:00-ի սահմաններում Երևան-Գյումրի ավտոճանապարհի 82 կմ հատվածում՝ Թալինի վարչական տարածքում, հրդեհ է բռնկվել դեպի Բավրա ընթացող «Nissan» մակնիշի ավտոմեքենայում։ «Վարորդին և 6 ուղևորներին...

Գեղարքունիքում և Լոռիում քամու հետևանքով ծառեր են տապալվել

Գեղարքունիքում և Լոռիում քամու հետևանքով ծառեր են տապալվել

Նոյեմբերի 21-ին Գեղարքունիքի և Լոռու մարզային օպերատիվ կառավարման կենտրոններ ահազանգեր են ստացվել ուժեղ քամու հետևանքով մի շարք հասցեներում տապալված և տապալման վտանգ ներկայացնող ծառերի, վնասված տանիքների, արևային վահանակների և դրանց մետաղական կառուցատարրերի...

Երբ մարդը սովորի ուրախանալ ուրիշների հաջողությամբ, Աստված նրան էլ կտա ուրիշների բոլոր հաջողություններից. Նարեկ Կարապետյան

Երբ մարդը սովորի ուրախանալ ուրիշների հաջողությամբ, Աստված նրան էլ կտա ուրիշների բոլոր հաջողություններից. Նարեկ Կարապետյան

Երբ մարդը սովորի ուրախանալ ուրիշների հաջողությամբ, Աստված նրան էլ կտա ուրիշների բոլոր հաջողություններից։ Այս մասին գրել է «Ուժեղ Հայաստան» խմբակցության ղեկավար Նարեկ Կարապետյանը՝ մեջբերելով՝ Սրբ Պաիսիոս Աթոսցու...

Հրաչյա Քոչարի փողոցում բախվել են «Zeekr»-ը, «Mercedes»-ը և «Volkswagen»-ը. կան վիրավnրներ

Հրաչյա Քոչարի փողոցում բախվել են «Zeekr»-ը, «Mercedes»-ը և «Volkswagen»-ը. կան վիրավnրներ

Երեկ՝ նոյեմբերի 21-ին, ավտովթար է տեղի ունեցել Երևանում։ Ժամը 15:00-ի սահմաններում Արաբկիր վարչական շրջանի Հրաչյա Քոչարի փողոցում բախվել են «Zeekr», «Mercedes» և «Volkswagen» մակնիշի ավտոմեքենաները։ Shamshyan.com-ի տեղեկություններով՝ վթարի հետևանքով 3 հոգի, որոնց...