Թեհրանը հայտնել է ջրի կրիտիկական պակասորդի մասին: France24-ի տվյալներով՝ Ամիր Քաբիր ջրամբարը, որը Իրանի մայրաքաղաքի խմելու ջրի հիմնական աղբյուրներից մեկն է, լցված է ընդամենը 8%-ով։
Ըստ իշխանությունների՝ երկարատև երաշտի պատճառով ամբարտակում եղած ջուրը կբավականացնի միայն երկու շաբաթվա համար: Մասնագետները նշում են, որ ստեղծված ճգնաժամային իրավիճակը տասնամյակների ընթացքում գրանցվածներից ամենավատն է։
Իրանի կառավարությունը քննարկում է ռեսուրսների վերաբաշխման արտակարգ միջոցառումները և կոչ է անում բնակչությանը խնայել ջուրը։
Իրանի 15 նահանգներում այս տարի հոկտեմբերին ընդհանրապես տեղումներ չեն եղել, հայտնել Է Իրանի ջրամատակարարման և կոյուղիների վարչության գլխավոր տնօրեն Ալի Սեյիձադեն:
Երկարաժամկետ նորմայի համեմատ տեղումների քանակը երկրում նվազել է 77%- ով, իսկ նախորդ տարվա համեմատ՝ 83%-ով։
