«Պարոն Պողոսյան, մի շարք հարցեր ունեմ, առաջարկում եմ որոշակի նշումներ անել, որպեսզի բոլորին հերթով անդրադառնանք: Առաջին հարցս, քանի որ իմ գործընկերն արդեն հնչեցրեց Միքայել սրբազանի գործի հետ կապված, ուզում եմ դրա տրամաբանական շարունակությունը տանել: Տեսեք, սրբազանի հնչեցված հայտարարությունից հետո դատախազությունը որոշում է կայացնում, այսինքն կարծիք է հայտնում, որ հանցակազմ չկա նշված հայտարարության մեջ, հետևաբար քրեական գործ նախաձեռնելու անհրաժեշտություն չկա: Հետագայում այդ դիրքորոշումը փոխվում է և այս պահին արդեն դատարանով վճիռ կա, երկու տարով դատապարտված է սրբազանը, ճիշտ է, դեռ օրինական ուժի մեջ չի մտել, ամեն դեպքում նման որոշում ունենք դատարանի կողմից, դուք էլ դա չեք մեկնաբանում։ Պարո՛ն Պողոսյան, այսինքն ի՞նչ է ստացվում, որ երկու տարի շարունակ քննիչները հանցավոր անգործությո՞ւն են դրսևորել, եթե հիմա պարզվել է, որ սրբազանը հեղաշրջման կոչ է արել և նա պետք է դատապարտվեր, իսկ նախկինում այլ կարծիք եք ունեցել, նշանակում էդ դուք գրեթե երկու տարի հանցավոր անգործություն եք դրսևորել, բա էդ հանցավոր անգործության համար ո՞վ պետք է պատասխանատվություն կրի, եթե, իհարկե, դուք այստեղ քաղաքական այլ ենթատեքստ չեք տեսնում»,- այս մասին ԱԺ-ում հարց բարձրացրեց «Հայաստան» խմբակցության պատգամավոր Աննա Գրիգորյանը՝ դիմելով Քննչական կոմիտեի նախագահ Արթուր Պողոսյանին։

Մանրամասն՝ տեսանյութում։