Ի դեպ, հոկտեմբերի 27-ից որոնվող 3-ամյա Տիգրանը հայտնաբերվեց մահացած, իսկ ավելի ճիշտ՝ սպանված։ Երեխային խեղդամահ էր արել հայրը։
Ներքին գործերի նախարարը նշել է․ «Այս վարկածը, ի թիվս այլոց, առաջին օրվանից եղել է մեր ուսումնասիրության շրջանակներում։ Երբ սկսել ենք որոնողափրկարարական աշխատանքները ամբողջ հարակից տարածքով, իրականացվել է տարածքի «սանրում» և յուրաքանչյուր հաջորդ տարածքի անցնելու պայմաններում, ըստ երեխայի հոր նախնական ցուցմունքի, ինքը երեխայի մարմնի տեղափոխություն է իրականացրել»։
Հիշեցնենք, որ փոքրիկ Տիգրանի անհետացումից հետո հարևանները ևս հայտնում էին, որ երեխայի ծնողների վարքը կասկածելի է։
Բանական մարդու մոտ հարցեր են առաջանում, եթե սպանության վարկածն իսկզբանե եղել է, ծնողները ցուցաբերել են կասկածելի վարքագիծ, ապա ինչո՞վ էր զբաղված ոստիկանությունը, ինչո՞ւ, օրինակ, հայրը չի առվել դիտարկման տակ և ինչպե՞ս է ի սկզբանե կասկածվող անձը ոստիկանների քթի տակ կարողացել իրականացնել երեխայի սպանված մարմնի տեղափոխություն տարածքից տարածք։
Մանրամասն՝ տեսանյութում։
