Մենք մեր թիմով, ընկերներով եկել ենք մեր զորակցությունը հայտնելու բոլոր քաղբանտարկյալներին և՛ սրբազաններին, և՛ Սամվել Կարապետյանին։ Այս մասին այսօր հանրահավաքից առաջ լրագրողների հետ զրույցում հայտարարեց «Առաջ» աջակենտրոն կուսակցության Կենտրոնական գործադիր կոմիտեի նախագահ Սևակ Խաչատրյանը։
«Ամեն օր քաղբանտարկյալների թիվը Հայաստանում մեծանում է։ Պետք է փորձենք ինչ-որ հանրային ճնշման միջոցով վերջ տալ այս տոտալ բռնաճնշումներին, որովհետև սա էլ ավելի է հասարակության մեջ խորացնում սևերի-սպիտակների, լավերի-վատերի տարանջատումը։ Կարծում եմ՝ այս ամեն ինչի դեմն առնել կարող է միայն հասարակական լայն կոնսոլիդացիան։ Եթե ամեն օր փորձենք հանրային ճնշումը մեծացնենք, լայն զանգվածների ներգրավենք, բնականաբար իր արդյունքը տալու է։ Չեմ կարծում, որ հանրային ճնշումը չի մեծանա, կազմակերպման ձևերի որոշակի փոփոխություն, և նոր ասելիք է պետք, իսկ նոր ասելիքի դեպքում կարծում եմ հաջողություն լինելու է»,– ասաց նա։
Մանրամասն՝ տեսանյութում։
