2023 թվականին Արցախից բռնի տեղահանությունից հետո Մարտակերտի բնակիչ Սեդա Լազարյանի 14 շունչ ունեցող ընտանիքը հաստատվել է Սյունիքի մարզի Բարձրավան գյուղում։

Ընտանիքը Բարձրավանում բնակություն հաստատելու ցանկություն ունի, սակայն բնակարան ձեռք բերելու համար սերտիֆիկատ ստանալ, իսկ մինչ այդ ՀՀ քաղաքացիություն ստանալ չեն կարողանում՝ որոշ փաստաթղթերի բացակայության պատճառով։ Երկու անգամ Երևան են դիմել այդ փաստաթղթերը վերականգնելու համար, բայց նրանց մերժել են։

Բռնի տեղահանված ընտանիքը օգնություն տված գումարներով տնտեսություն են հիմնել, անասուններ ձեռք բերել, հիմա միայն բնակության հարց են ուզում լուծել։

Գյուղի վարչական ղեկավար Ալիկ Հովհաննիսյանը վստահեցնում է, իրենց կողմից ամեն ինչ արվում է Բարձրավանում արցախցիների կեցությունն ապահովելու համար։

Մանրամասն՝ տեսանյութում։