ԱՄՆ-ն Կիևին կարող է մատակարարել միայն 20-ից 50 «Tomahawk» հրթիռ, ինչը չի կարող էապես փոխել ռազմական գործողությունների ընթացքն ուկրաինական հակամարտությունում, գրում է Financial Times-ը՝ վկայակոչելով Center for a New American Security (CNAS) վերլուծական կենտրոնի պաշտպանական ծրագրի տնօրեն Սթեյսի Փեթիջոնին։
ԱՄՆ նախագահ Դոնալդ Թրամփն ավելի վաղ հայտարարել էր, որ որոշում է կայացրել Ուկրաինային «Tomahawk» թևավոր հրթիռների հնարավոր մատակարարման վերաբերյալ, սակայն կցանկանար հասկանալ, թե ինչպես է Կիևը մտադիր օգտագործել դրանք: Ռուսաստանի նախագահ Վլադիմիր Պուտինը շեշտել էր, որ Կիևի կողմից «Tomahawk» հրթիռների օգտագործումը կվնասի Ռուսաստանի և Միացյալ Նահանգների հարաբերություններին:
