Վրաստանում ՏԻՄ ընտրություններ են

4 Հոկտեմբերի, 2025

Այսօր՝ հոկտեմբերի 4-ին, Վրաստանում տեղի են ունենում տեղական ինքնակառավարման մարմինների ընտրություններ: Քաղաքացիները կընտրեն քաղաքապետեր 64 քաղաքներում և քաղաքային խորհուրդների (սակրեբուլո) ավելի քան 2000 անդամի:

Քվեարկությունն անցկացվում է խառը համակարգով. քաղաքապետերը կընտրվեն առաջին փուլում, եթե ստանան ձայների 50%-ից ավելին: Կուսակցությունների համար սակրեբուլոներ մուտք գործելու համար սահմանվել է 4% շեմ:

Ընտրություններին մասնակցում է 12 կուսակցություն՝ առաջադրված ավելի քան 7000 թեկնածուով: Իշխող «Վրացական երազանք» կուսակցության թեկնածուները 27 համայնքներում մրցակից չունեն, իսկ ևս 25-ում՝ միայն մեկ մրցակից: Թբիլիսիում քաղաքապետի պաշտոնի համար պայքարում է 9 թեկնածու:

Մասնավորապես, Թբիլիսիի քաղաքապետի պաշտոնի համար պայքարում են.

Թեմուր Բոկելավաձե (ընտրական համար 1) – «Լեզու, Հայրենիք, Հավատ»,

Զուրաբ Մախարաձե (ընտրական համար 3) – «Պահպանողականները հանուն Վրաստանի»,

Կախա Կուկավա (ընտրական համար 7) – «Ազատ Վրաստան»,

Օթար Չիթանավա (ընտրական համար 8) – «Հայրենասերների դաշինք»,

Իրակլի Կուպրաձե (ընտրական համար 9) – «Հանուն ուժեղ Վրաստանի – Լելո»,

Գեորգի Լիլուաշվիլի (ընտրական համար 11) – «Վրաստան»,

Գեորգի Գաչեչիլաձե (ընտրական համար 12) – «Կանաչների կուսակցություն»,

Իագո Խվիչիա (ընտրական համար 36) – «Գիրչի»,

Կախա Կալաձե (ընտրական համար 41) – «Վրացական երազանք – Ժողովրդավարական Վրաստան»։

Ընդդիմադիր ութ առաջատար ուժեր հրաժարվել են մասնակցել ընտրություններին՝ հրաժարվելով ճանաչել իշխանությունների լեգիտիմությունը 2024 թվականի խորհրդարանական ընտրություններից հետո: Նրանց առաջնորդները բանտում են:

Ընտրություններին զուգահեռ նրանք բողոքի ցույց են նախաձեռնել, որին կմիանան մի քանի երթեր քաղաքի տարբեր վայրերից։ Վերջին շաբաթներին ընդդիմությունը ակտիվորեն շրջագայում է երկրի տարբեր քաղաքներում՝ կոչ անելով քաղաքացիներին դուրս գալ փողոցներ։

Որոշ բիզնեսներ նույնպես իրենց աջակցությունն են հայտնել։ Մի քանի բարեր և ռեստորաններ հայտարարել են, որ այսօր կփակվեն, որպեսզի իրենց աշխատակիցները կարողանան մասնակցել բողոքի ցույցին։

Նախկին նախագահ Սալոմե Զուրաբիշվիլին ենթադրել է, որ ցույցը կարող է ներգրավել ավելի քան 200,000 մարդու։

Նմանատիպ նյութեր

Մոնղոլիայի նախագահը հրաժարական է տվել կոռուպցիոն սկանդալի ֆոնին

Մոնղոլիայի նախագահը հրաժարական է տվել կոռուպցիոն սկանդալի ֆոնին

Մոնղոլիայի նախագահ Ուխնաագիյն Խուրելսուխը հայտարարել է հրաժարականի մասին։ Որոշումը հաջորդել է պետական երկաթուղային ծրագրի շուրջ ծագած կոռուպցիոն սկանդալին և ընդդիմության՝ նրա հրաժարականի պահանջին։ Նախագահը հերքել է մեղադրանքները, բայց նոյեմբերի 17-ին հայտարարել է...

ԱՅՍ ՊԱՀԻՆ I ՈւՂԻՂ I Խորհրդարանը քննարկում է 2027 թվականի պետբյուջեի նախագիծը

ԱՅՍ ՊԱՀԻՆ I ՈւՂԻՂ I Խորհրդարանը քննարկում է 2027 թվականի պետբյուջեի նախագիծը

Տեղի է ունենում ԱԺ հերթական քառօրյան։ Օրակարգում 13 հարց է։ Բոլորը կքննարկվեն առաջին ընթերցմամբ։ Պատգամավորները քննարկում են 2027 թվականի պետական բյուջեի նախագիծը։ Նիստն առաջարկում ենք դիտել ուղիղ...

Կալասին ՌԴ-ում կարող է սպառնալ մինչև 20 տարվա ազատազրկում. Վոլոդին

Կալասին ՌԴ-ում կարող է սպառնալ մինչև 20 տարվա ազատազրկում. Վոլոդին

ՌԴ Պետդումայի նախագահ Վյաչեսլավ Վոլոդինը հայտարարել է, որ Եվրամիության արտաքին քաղաքականության բարձր ներկայացուցիչ Կայա Կալասին Ռուսաստանում կարող է սպառնալ մինչև 20 տարվա ազատազրկում՝ Ուկրաինայում ռազմական գործողություններին մասնակցած ռուս զինծառայողների վերաբերյալ...

Դադարեցրե՛ք ՔՊ-ին քննադատողների նկատմամբ հետապնդումները, ազատե՛ք քաղբանտարկյալներին․ Արթուր Խաչատրյան

«Հայաստան» խմբակցության քարտուղար Արթուր Խաչատրյանը ներկայացրել է Ազգային ժողովի հայտարարության նախագիծ՝ Հայաստանում քաղաքական հետապնդումների ենթարկվող անձանց իրավունքների պաշտպանության և նրանց իրավական երաշխիքների...