Սյունիքում թափառող շները լուրջ վտանգ են դարձել քաղաքացիների համար։ Տուժողները հատկապես կանայք ու երեխաներն են։ Գորիս և Սիսիան համայնքների բնակիչներն անհանգստացած են, թափառող շների թիվն օր օրի ավելանում է։
Գորիսի ԲԿ-ի փոխտնօրեն Լևոն Հարությունյանի խոսքով՝ այս տարի նախորդ տարիների համեմատ շան կծածի պատճառով Գորիսի ԲԿ դիմելիությունը քառակի աճել է։
Գորիս համայնքի ղեկավարը մի քանի անգամ մրցույթ է հայտարարել։ Հաղթող կազմակերպությունները պարբերաբար գալիս, հավաքում են, սակայն որոշ ժամանակ անց պատկերը նույնն է, խնդիրը շարունակում է արդիական մնալ։
Տոլորս գյուղի վարչական ղեկավարը հարցի լուծումը չունի, չեն թողնում կենդանիներին դիպչել։ Նրա խոսքով՝ խնդրին պետական մակարդակով պետք է լուծում տրվի։
Մինչ համայնքի ղեկավարները լուծման տարբերակներ են փնտրում, բնապահպանները կռիվ տալիս կենդանիների իրավունքների համար, շները շարունակում են մարմնական և հոգեբանական վնասներ են հասցնել հատկապես երեխաներին։
Մանրամասն՝ տեսանյութում։
