Վերապատմում եմ Նիկոլ Փաշինյանի մի հեքիաթ, որն արժի 6.5 միլիոն դոլար․ Գեղամ Մանուկյան

11 Սեպտեմբերի, 2025

 

ԱԺ «Հայաստան» խմբակցության պատգամավոր Գեղամ Մանուկյանի ելույթը․

«Սիրելի հայրենակիցներ, ես այս պահին վերապատմելու եմ մի հեքիաթ, որն արժի 6.5 միլիոն դոլար և 2 միլիարդ 500 միլիոն Հայաստանի Հանրապետության դրամ։ Այդ հեքիաթը 22 թվականի դեկտեմբերին ձեզ բոլորին, հատկապես արտաշատցիներին, մարտունեցիներին, իջևանցիներին, դավթաշենցիներին պատմել է Հայաստանի Հանրապետության կառավարությունը՝ հեքիաթ ասած Նիկոլ Փաշինյանի գլխավորությամբ։

Դեկտեմբերի 29-ին կառավարության նիստում որոշում է կայացվել 2.5 միլիարդ դրամ գրանտ հատկացնել Հայաստանի ֆուտբոլի ֆեդերացիային՝ չորս ֆուտբոլային մարզադպրոց կառուցելու համար։ Եվ այդ գումարը շատ արագ փոխանցվել է։ …

Անցնում են տարիներ։ 25 թվականն է։ Դավթաշենում հարցնում եմ՝ ֆուտբոլի դպրոցը ո՞ւր է։ Պատասխանում են՝ չկա։ Ժաննա Անդրեասյանին հարցնում եմ՝ այդ մարզադպրոցները ո՞ւր են։ Ասում են՝ այս տարի նոր նախագծման պայմանագիր է կնքվել։ Այսինքն՝ երեք տարի անց դեռ նախագծերը չկան։

Սիրելի հայրենակիցներ, սա 6.5 միլիոն դոլարանոց կառավարության հեքիաթի արդյունքն է։ Իսկ Մարտունու մարզադաշտի պատմությունը երկրորդ հեքիաթն է․ 22 թվին կառավարությունը հայտարարում էր, որ այն արդեն համայնքի է, իսկ 25-ին նույն կառավարությունը գրում է՝ վերջապես համայնքին հանձնվեց։

Երեք տարի շարունակ 2.5 միլիարդ դրամը տրվել է ֆուտբոլի ֆեդերացիային, բայց ոչ ոք չի հարցրել՝ այդ գումարը ո՞ւր է ծախսվել։ Սիրելի հայրենակիցներ, սա կոռուպցիայի դասական օրինակ է։

Այս իշխանությունը բոլոր հարցերում հեքիաթ է պատմում․ Ադրբեջանի հետ պայմանագրի, աննախադեպության, կոռուպցիոն գործողությունների մասին։ Բայց հիշեք, ինչպես հանգուցյալ Վլադիմիր Մովսիսյանն էր ասում․ «Ձերը նվեր է, իմը՝ կոռուպցիա»։

Եթե գործարար Խաչատուր Սուքիասյանի որևէ հիմնարկի տնօրենը 2.5 հազար, ոչ թե միլիարդ, պարզապես միլիոն դրամ քամուն տար, նրան տեղից թացով դուրս կանեին։ Իսկ այստեղ՝ երեք տարի շարունակ 2.5 միլիարդ դրամն ուղղակի անհետացել է։

Սա է իրականությունը, սիրելի հայրենակիցներ»:

Մանրամասն՝ տեսանյութում։

Նմանատիպ նյութեր

Դադարեցրե՛ք ՔՊ-ին քննադատողների նկատմամբ հետապնդումները, ազատե՛ք քաղբանտարկյալներին․ Արթուր Խաչատրյան

«Հայաստան» խմբակցության քարտուղար Արթուր Խաչատրյանը ներկայացրել է Ազգային ժողովի հայտարարության նախագիծ՝ Հայաստանում քաղաքական հետապնդումների ենթարկվող անձանց իրավունքների պաշտպանության և նրանց իրավական երաշխիքների...

Քոչարյանը մեզ համար պայքարից չնահանջելու օրինակ է․ Հայկ Աթոյան

Քաղաքական հետապնդումները Հայաստանում սկսվել են դեռևս 2018 թվականի հուլիսի 27-ից, երբ կալանավորվեց ՀՀ երկրորդ նախագահ Ռոբերտ Քոչարյանը։ Այս մասին հայտարարել է «Հայաստան» դաշինքի անդամ Հայկ Աթոյանը։ Նրա խոսքով՝ այն ժամանակ...

Ձեզ բոլորիդ համախմբում է մեկ ընդհանուր հանցագործություն․ դուք պետական հանցագործություն եք կատարում․ Եգանյանը՝ իշխանությանը 

«Նիկոլ Փաշինյանը, գալով իշխանության գլուխ, առաջինը թիրախավորեց Հայոց եկեղեցին։ Բայց տեսնում ենք՝ ուր է դա նրան տանում։ Ոչ մի լավ տեղ չի տանում։ Նիկոլ Փաշինյանը եկավ դագաղներով․ իրենք դագաղներն էին պարեցնում։ Եվ ես չեմ կարող մոռանալ մի շատ...

Օդի ջերմաստիճանը կնվազի 3-5 աստիճանով

Օդի ջերմաստիճանը կնվազի 3-5 աստիճանով

Երևանում նոյեմբերի 16-ի ցերեկը, 17-ի գիշերը, 19-21-ին սպասվում է կարճատև անձրև։ Նոյեմբերի 17-ի ցերեկը և 18-ին սպասվում է առանց տեղումների եղանակ։ Հանրապետության տարածքում նոյելբերի 16-ի ցերեկը, 17-ի գիշերը,18-ի և 19-ի ցերեկը, 20-21-ին ժամանակ առ ժամանակ առանձին...

Արևմուտքի ուշադրությունը պետք է մշտապես պահել Հայաստանի իրադարձությունների վրա․ Տիգրան Քոչարյան

«Շատերն ասում են՝ տեսե՛ք, Նիկոլ Փաշինյանի թիկունքին կանգնած է հավաքական Արևմուտքը և աչք է փակում այն ամենի վրա, ինչի դեպքում նախկինում աչք չէր փակում։ Այստեղ նույնպես լուծումներ կան։ Հավաքական Արևմուտքի ուշադրությունը պետք է անընդհատ...