ԱՄՆ պետքարտուղար Մարկո Ռուբիոն հայտարարել է, որ իր երկիրը «այլևս զենք և գումար չի տրամադրում Ուկրաինային»։ Դրա փոխարեն զենքը վաճառվելու է ՆԱՏՕ-ի կառույցների միջոցով և վճարվելու եվրոպական երկրների կողմից, Fox News-ին տված հարցազրույցում ասել է պետքարտուղարը։
Ռուբիոն, մեկնաբանելով Սպիտակ տանը ԱՄՆ նախագահ Դոնալդ Թրամփի, Ուկրաինայի նախագահի և ԵՄ երկրների ղեկավարների միջև հանդիպման արդյունքները, ասել է, որ «երեք տարվա փակուղուց և լռությունից հետո առաջին անգամ որոշակի շարժում է նկատվել»։
Ավելի վաղ պետքարտուղարը նշել էր նաև, որ Ուկրաինայի անվտանգության երաշխիքների վերաբերյալ աշխատանքներին կմասնակցեն ոչ միայն եվրոպացի դաշնակիցները, այլև ԵՄ-ից դուրս գտնվող երկրները։
Բացի այդ, Սպիտակ տան հետ բանակցություններից հետո, ըստ Financial Times-ի, Ուկրաինան խոստացել է գնել 100 միլիարդ դոլարի ամերիկյան զենք «անվտանգության երաշխիք ստանալու գործարքի շրջանակում»՝ եվրոպացի դաշնակիցների հաշվին։
Բացի այդ, Կիևը և Վաշինգտոնը կկնքեն առանձին 50 միլիարդ դոլարի գործարք՝ ուկրաինական ընկերությունների հետ համատեղ անօդաչու թռչող սարքեր արտադրելու համար
