«Այս 4-5 տարիներին և դրանից առաջ էլ շատ քաղաքական դատեր են եղել, բայց ինչ որ կատարվում է սրբազանների հետ, իրավական, քաղաքականից այն կողմ կա ևս մեկ հավոր բան՝ սա մեր համազգային ամոթն է։ 37 թվի մասին վերջերս հաճախ ենք ստիպված լինում ասել․ 37-ից հետո մենք չենք տեսել ճաղավանդակում քաղաքական պատճառներով սրբազանների»,- Միքայել սրբազանի վերաբերյալ դատական նիստից առաջ լրագրողների հետ ճեպազրույցում ասաց ԱԺ «Հայաստան» խմբակցության պատգամավոր Գեղամ Մանուկյանը։
«Առաջին դատական նիստում Միքայել սրբազանի խոսքից հասկանում ես, որ ինքը շարունակում է մնալ ազատության մեջ, ի տարբերություն մեզ բոլորիս, որ ասյօր բանտարկված ենք»,- ասաց պատգամավորը։
Անդրադառնալով Վաշինգտոնում Փաշինյան-Թրամփ-Ալիև եռակողմ հանդիպմանը, Գեղամ Մանուկյանն ասաց․ «Լրագրողներին կոչ կանեմ երբեք չկոչել Վաշինգտոնյան հռչակագիրը եռակողմ․ դա Նիկոլ Փաշինյանի և Ալիևի մեջ ստորագրված հռչակագիր է, որը վերաբերում է Հայաստանի սուվերեն տարածքից Սյունիքին, որին որպես վկա եղել է ոչ թե ԱՄՆ-ն, այլ ԱՄՆ նախագահ Դոնալդ Թրամփը։ Հրապարակված պաշտոնական այն փաստաթուղթը, որը կա Հայաստանի վարչապետի պաշտոնկան էջում, վերնագիրը և ստորագրված իրական փաստաթղթի վերնագիրը լրիվ տարբեր են»։
Գեղամ մանուկյանն ասաց, որ «Հայաստան» խմբակցության պատգամավորները դեռ նախկինում ծանոթանալով փաստաթղթի տարբերակներից մեկին, արդեն ահազանգում էին լուրջ խնդիրների մասին։
Գեղամ Մանուկյանի ճեպազրույցը՝ տեսայութում։
