Yerkir.am-ը գրում է․

Օգոստոսի 10-ին Երևանում վայրէջք են կատարել ԱՄՆ ռազմաօդային ուժերի երկու KC-135r տակեր -ինքնաթիռներ՝ իջեցնելով օգոստոսի 12-20-ը կայանալիք Eagle Partner 25 (Արծիվ Պարտնյոր 25) համատեղ զորավարժությունների անձնակազմը: ՀՀ ՊՆ պաշտոնական տեղեկատվության համաձայն՝ ուսումնավարժական միջոցառումներին «կմասնակցեն ՀՀ ԶՈՒ խաղաղապահ բրիգադի, Եվրոպայում և Աֆրիկայում ԱՄՆ Ցամաքային զորքերի, ինչպես նաև Կանզաս նահանգի ազգային գվարդիայի զինծառայողները։ Զորավարժությունները նախատեսում են խաղաղապահ առաջադրանքների նախապատրաստում և իրականացում՝ շեշտը դնելով բժշկական տարհանման ընթացակարգերի վրա: Զորավարժության նպատակն է խաղաղապահ գործողությունների շրջանակներում մջազգային խաղաղապահ առաքելություններին մասնակցող ստորաբաժանման փոխգործակցության մակարդակի բարձրացումը, կառավարման լավագույն փորձի և մարտավարկան հաղորդակցության փոխանակման իրականացումը, ինչպես նաև ՀՀ ԶՈՒ խաղաղապահ ստորաբաժանման պատրաստվածության բարձրացումը: Խաղաղապահ առաքելությունների նախապատրաստման շրջանակներում միջազգային գործողությունների պատրաստվող ստորաբաժանւմները գործընկեր երկրներում պարբերաբար մասնակցում են նմանատիպ համատեղ զորավարժությունների և վարժանքների»:

Հիշեցնենք՝ օգոստոսի 8-ին Վաշինգտոնում Ալիևը, Հայաստանի վարչապետը Սպիտակ տան սեփականատեր Դոնալդ Թրամփի հսկողության ներքո ստորագրել են համատեղ հայտարարություն, որի կետերից մեկն է, այսպես կոչված, «Թրամփի երթուղին հանուն միջազգային խաղաղության և բարգավաճման» (TRIPP) Հայաստանի Սյունիքի մարզում, որը կոչված է ամերիկյան հովանու ներքո կապել Ադրբեջանի հիմնական տարածքը, Նախիջևանի ինքնավարությունը և Թուրքիան դեպի Եվրոպա և Մերձավոր Արևելք հետագա ելքի հետ:

Ըստ որոշ գնահատականների՝ «մուլտիմոդալ տարանցիկ գոտի» (multimodal transit area) կազմակերպոթյան համար ենթադրվող միջազգային կոնսորցիումի պաշտպանւությունը կարող է փոխանցվել մասնավոր ռազմական ընկերություններից մեկին, ինչպիսին է, օրինակ, 1997ին հիմնադրված ծովային սպա Էրիկ Փրինսի կողմից մասնավոր ռազմական ընկերությունը Academi (նախկին Blackwater) ընդհանուր թվով ավելի քան 20 հազար մարդ: Բացի ցամաքային ստորաբաժանումներից, Academi-ն ունի սեփական ավիացիան (ուղղաթիռներ, տրանսպորտային ինքնաթիռներ) և նույնիսկ սեփական ռազմաարդյունաբերական համալիրը (զրահատեխնիկայի արտադրություն) Կառավարության պատվերներից բացի, այս ընկերության հաճախորդների թվում են նավթարդյունահանող, ապահովագրական և այլ ընկերություններ: 

Հիշեցնենք՝ Ալիևի Վաշինգտոն կատարած այցի ընթացքում հուշագիր է ստորագրվել ադրբեջանական SOCAR նավթագազային ընկերության և ամերիկյան ExxonMobil ընկերության միջև, իմնչդեռ ենթադրյալ «Թրամփի ճանապարհով», ի թիվս այլ բաների, կարող են անցկացվել արտահանման խողովակաշարեր:

Մարտին գրել էինք՝ամերիկյան բանակի նյութատեխնիկական ապահովման հրամանատարությունը նախատեսում է գերմանական Դյուլմենի ռազմաբազայից տեխնիկա և սարքավորումներ տեղափոխել ՀՀ Արմավիրի մարզի Զառ Բազա (ակնհայտ է՝ «Արծիվ Պարտնյոր 25» — ի նման միջոցառումները խիստ նախօրոք են ծրագրվում)*:

Ի սկզբանե ենթադրվում էր՝ տեխնիկան և զինամթերքը Դյուլմենի բազա կվերադառնան 2025ի օգոստոսի 21 – ից մինչև սեպտեմբերի 20-ը, սակայն դինամիկ փոփոխվող իրավիճակի հետ կապված կարևոր հարց է առաջանում՝ այն իրականում հետ կվերադառնա՞, թե՞ կմնա պահպանել նորահայտ «Թրամփի երթուղին»։

Վերջերս Tansim գործակալությանը տված հարցազրույցում Իրանի գերագույն առաջնորդի արտաքին քաղաքականության հարցերով խորհրդական Ալի Աքբար Վելայաթին կտրուկ կերպով մերժել է «Զանգեզուրի միջանցքի» նախագիծը, որն այնքան էլ հմտորեն քողարկված չէ այդ նույն TRIPP-ի ներքո։ Թեհրանում վճռական են  «շարժվել Հարավային Կովկասի անվտանգության ապահովման գծով Ռուսաստանի հետ կամ առանց դրա։ Մենք հույս ունենք, որ Ռուսաստանը նույնպես ռազմավարական հակազդեցություն կցուցաբերի այդ միջանցքին։ ՆԱՏՕ-ն ցանկանում է թունավոր օձ պառկեցնել Ռուսաստանի և Իրանի միջև, աբյց մենք դա թույլ չենք տա»։ Այսպիսով, կարելի է վստահորեն փաստել, որ հանգամանքների անբարենպաստ համադրման դեպքում օգոստոսին Հայաստանում կայանալիք Eagle Partner 25 զորավարժությունները կարող են դառնալ տարածաշրջանային լարվածության նոր փուլի մեկնակետ:

Թարգմանությունը՝ Գայանե Մանուկյանի։ 

Աղբյուրը՝ vpoanalytics.com