ԱՄՆ փոխնախագահ Ջեյ Դի Վենսը հայտարարել է, որ Ռուսաստանի և Ուկրաինայի միջև ցանկացած խաղաղ համաձայնագիր «դուր չի գա» ոչ Մոսկվային, ոչ էլ Կիևին, հաղորդում է Reuters-ը։
Ըստ նրա, ԱՄՆ-ն ձգտում է կարգավորման, որն ընդունելի կլինի երկու երկրների համար։ «Ե՛վ ռուսաստանցիները, և՛ ուկրաինացիները, հավանաբար, ի վերջո դժգոհ կմնան», — ասել է նա Fox News-ին տված հարցազրույցում։
Վենսը նշել է, որ ԱՄՆ-ն աշխատում է Պուտինի, Զելենսկու և Թրամփի միջև բանակցությունների կազմակերպման ուղղությամբ, սակայն նա չի կարծում, որ Պուտինի համար արդյունավետ կլինի Զելենսկու հետ հանդիպել՝ նախքան Թրամփի հետ զրույցը։
«Հիմա այն փուլում ենք, երբ փորձում ենք մտածել ժամանակացույցի մասին, թե երբ կարող են այս երեք առաջնորդները նստել և քննարկել հակամարտության դադարեցումը», — ասել է նա։
