ԱԺ «Հայաստան» խմբակցության պատգամավոր Լիլիթ Գալստյանի ֆեյսբուքյան գրառումը․
«Անգերազանցելիները․․․
Վահագն Խաչատուրյանը (ինքը ՀՀ նախագահն է, նկարի մարդը), գնացել էր Սյունիք՝ հիշեցնելու իր և իր պաշտոնի գոյության մասին, նաև բարձրաձայնելու, որ «ապագա կա»։
Նռնաձորի բնակիչներից մեկը նկատեց, որ մինչ ապագայի գալը, լավ կլինի վերջապես կառուցեն-ավարտեն իրենց գյուղի մանկապարտեզը, որ կառավարության խոստացած 500 մանկապարտեզ և 300 դպրոց ծրագրով 4 տարի շռայլորեն ծախում են ժողովրդի վրա։
Եվ ի՞նչ է պատասխանում էս նախագահը․
նախ ասում է, որ կառավարությունը փողի խնդիր չունի,
հետո՝ նռնաձորցիներին հորդորում է չփիլիսոփայել,
ավելի հետո, ամենայն լրջությամբ, ավելացնում՝ «շինարարից դուք պիտի հարցնեք, ինչո՞ւ չի աշխատում»։
Սա հատված չէ Ջորջ Օրվելի «Անասնաֆերմա» վիպակից, ոչ էլ՝ Էրազմ Ռոթերդամցու «Գովք հիմարության»/ Moriae Encomium, sive Stultitiae Laus/ փիլիսոփայական աշխատությունից։
Հ․Գ․ Անցնող չորս տարիներին կառուցվել և շահագործման է հանձնվել ընդամենը 40 դպրոց»։
