Նոյեմբերի 16-ին՝ ժամը 11։00-ին, Ազգային ժողովի նիստերի դահլիճում կանցկացվեն խորհրդարանական լսումներ՝ «Հայաստանի Հանրապետությունում ժողովրդավարության հետընթացը, քաղաքական հալածանքների ենթարկվող անձանց իրավունքների պաշտպանությունը և իրավական երաշխիքները» թեմայով։
Լսումների նախաձեռնողը ԱԺ «Հայաստան» խմբակցության պատգամավոր, ԱԺ Մարդու իրավունքների պաշտպանության մշտական հանձնաժողովի նախագահ Լիլիթ Գալստյանն է։

Քննարկման նպատակն է ներկայացնել իրավական և հասարակական մտահոգությունները, անդրադառնալ քաղաքական հետապնդումների ենթարկվող անձանց իրավունքների պաշտպանության, նրանց նկատմամբ իրականացվող գործընթացների իրավական գնահատականի, ինչպես նաև մարդու հիմնարար իրավունքների և ազատությունների պահպանման խնդիրներին։