ԱԺ «Հայաստան» խմբակցության պատգամավոր Մհեր Մելքոնյանը գրել է․
«Երեկ վերաքննիչ քրեական դատարանի դատավոր Վաչե Մարգարյանը մերժեց առաջին ատյանի դատարանի` կալանք կիրառելու մասին որոշման դեմ Շիրակի թեմի առաջնորդ Գերաշնորհ Տ. Միքայել արքեպիսկոպոս Աջապահյանի պաշտպանների բողոքը:
Վերաքննիչ դատարանի որոշումը հերթական ցավալի փաստն է այն բանի, որ մենք գործ ունենք ընտրովի արդարադատության, իսկ երբեմն էլ՝ բացահայտ քաղաքական հաշվեհարդարի հետ։
Խափանման միջոցը չպետք է վերածվի պատժի։
Իսկ Միքայել սրբազանի պարագայում հենց դա է տեղի ունենում՝ առանց իրական իրավական հիմնավորման և ի հեճուկս ողջամտության։
Այս որոշումն այլևս միայն իրավական խնդիր չէ։
Այն վերածվել է պետական լրջության և ինստիտուցիոնալ ճգնաժամի հստակ ազդանշանի։
Այս որոշումը ևս մեկ անգամ հաստատեց՝ գործող հակազգային իշխանությունները շարունակում են օգտագործել իրավական գործիքակազմը իբրև քաղաքական զենք` այլակարծությունը ճնշելու համար:
Սա համակարգի արձագանքն էր ճշմարտության նկատմամբ ունեցած վախի»:
