Քաղաքապետը շատրվանի հետ ի՞նչ կապ ունի. Վարդան Ղուկասյան

28 Հուլիսի, 2025

Գյումրու քաղաքապետ Վարդան Ղուկասյանն արձագանքել է լայն տարածում ստացած քննադատությանը՝ կապված Գյումրու շատրվաններից հնչած երաժշտության հետ։ Նա շեշտել է, որ նման թեմաներով զբաղվելը ընդհանրապես լուրջ չէ, առավել ևս՝ երբ երկիրը կանգնած է գլոբալ խնդիրների առաջ։

«Շատրվանը, ի՞նչ քննադատություն է։ Ի՞նձ են անդրադառնում։ Հավատացեք, չեմ էլ հասցրել նայել։ Ուղղակի ինձ արագ ասեցին, թե սենց, այդպես ինչ-որ բան կա։ Ի՞նչ կա որ։ ՔՊ-ական նախարարներ և այլն, բոլորը անդրադարձե՞լ են։ Ինչի՞ն են անդրադարձել։ Ի՞նչ է եղել, իյա՜: Բայց ինձ ինչի՞ են, օրինակ, ուղղում քննադատությունները։ Ես զարմանում եմ, թե քաղաքապետն ի՞նչ գործ ունի շատրվանների երաժշտության հետ» ,- ասաց նա։

Ղուկասյանը նշել է, որ ինքը մշտապես շրջում է քաղաքում և չի լսել երբևէ նման երաժշտություն, միշտ դասական երաժշտություն է հնչել, ինչը հաճելի է: «Հավանական է՝ գիտեին, որ իմ 100 օրն է, ես պետք է ասուլիս տամ։ Իրիկունը ման էլ եմ եկել, չեմ լսել այդպիսի բան։ Պատկերացրեք, դիտավորյալ արեցին։ Հիմա խակերները ինչ ասես կարող են անել։ Կարող եք գուցե ադրբեջանական երաժշտություն դնեն, որովհետև հիմա տեխնիկան այնպես է, որ ամեն ինչ կարող են անել»։

Քաղաքապետը նաև հավելել է, որ ոչ միայն նման դեպքերը կապ չունեն իր հետ, այլ ինքը կապ չունի այդ կյանքի հետ: «Եքա երկիրը, երրորդ համաշխարհային պատերազմի առաջ կանգնած ենք, իրենք ընկել են «Доля воровская», ես չգիտեմ ինչ բաներ։ Այդ դարերն անցել են։ Քաղաքապետը դրա հետ ընդհանրապես կապ չունի։ Հետո, եթե ես քաղաքապետ եմ, այդ կյանքի հետ կապված ընդհանրապես կապ չունեմ։ Ես Ազգային ժողովի պատգամավոր եմ եղել, 13 տարի քաղաքապետ եմ եղել, դա ինձ հետ ի՞նչ կապ ունի»։

Նա քննադատել է որոշ նախարարների՝ նրանց անվանելով «անհասուն» ու «անդաստիարակ», անդրադարձել է իր նկատմամբ իրականացվող քաղաքական ճնշումներին, վարկային խնդիրներին, ինչպես նաև դատական գործընթացներին։

 

Նմանատիպ նյութեր

Դադարեցրե՛ք ՔՊ-ին քննադատողների նկատմամբ հետապնդումները, ազատե՛ք քաղբանտարկյալներին․ Արթուր Խաչատրյան

«Հայաստան» խմբակցության քարտուղար Արթուր Խաչատրյանը ներկայացրել է Ազգային ժողովի հայտարարության նախագիծ՝ Հայաստանում քաղաքական հետապնդումների ենթարկվող անձանց իրավունքների պաշտպանության և նրանց իրավական երաշխիքների...

Քոչարյանը մեզ համար պայքարից չնահանջելու օրինակ է․ Հայկ Աթոյան

Քաղաքական հետապնդումները Հայաստանում սկսվել են դեռևս 2018 թվականի հուլիսի 27-ից, երբ կալանավորվեց ՀՀ երկրորդ նախագահ Ռոբերտ Քոչարյանը։ Այս մասին հայտարարել է «Հայաստան» դաշինքի անդամ Հայկ Աթոյանը։ Նրա խոսքով՝ այն ժամանակ...

Ձեզ բոլորիդ համախմբում է մեկ ընդհանուր հանցագործություն․ դուք պետական հանցագործություն եք կատարում․ Եգանյանը՝ իշխանությանը 

«Նիկոլ Փաշինյանը, գալով իշխանության գլուխ, առաջինը թիրախավորեց Հայոց եկեղեցին։ Բայց տեսնում ենք՝ ուր է դա նրան տանում։ Ոչ մի լավ տեղ չի տանում։ Նիկոլ Փաշինյանը եկավ դագաղներով․ իրենք դագաղներն էին պարեցնում։ Եվ ես չեմ կարող մոռանալ մի շատ...

Օդի ջերմաստիճանը կնվազի 3-5 աստիճանով

Օդի ջերմաստիճանը կնվազի 3-5 աստիճանով

Երևանում նոյեմբերի 16-ի ցերեկը, 17-ի գիշերը, 19-21-ին սպասվում է կարճատև անձրև։ Նոյեմբերի 17-ի ցերեկը և 18-ին սպասվում է առանց տեղումների եղանակ։ Հանրապետության տարածքում նոյելբերի 16-ի ցերեկը, 17-ի գիշերը,18-ի և 19-ի ցերեկը, 20-21-ին ժամանակ առ ժամանակ առանձին...

Արևմուտքի ուշադրությունը պետք է մշտապես պահել Հայաստանի իրադարձությունների վրա․ Տիգրան Քոչարյան

«Շատերն ասում են՝ տեսե՛ք, Նիկոլ Փաշինյանի թիկունքին կանգնած է հավաքական Արևմուտքը և աչք է փակում այն ամենի վրա, ինչի դեպքում նախկինում աչք չէր փակում։ Այստեղ նույնպես լուծումներ կան։ Հավաքական Արևմուտքի ուշադրությունը պետք է անընդհատ...