Բայց աննախադեպ «ինքնիշխան» ենք, խոսք չկա. մեկը Հայաստանը պաշտոնապես անվանում է ինչ-որ «Արևմտյան Ադրբեջան» և բռնազավթման մեջ պահում մեր տարածքի մի մասը, մյուսը՝ ռեժիմով բարբաջում «Զանգեզուրյան միջանցք» կոչեցյալի մասին, երրորդը՝ հայտարարում Հայաստանի տարածքի մի մասի վարձակալության պատրաստակամության մասին։ Այս մասին Տելեգրամի իր էջում գրել է իրանագետ Վարդան Ոսկանյանը։
Նա, մասնավորապես, նշել է. «Իսկ Հայաստանից միայն հերքում են և շնորհակալություն հայտնում ամեն Բուրկինա Ֆասոյի՝ մեր երկրի տարածքային ամբողջականությունը ճանաչելու համար։
Հիշողությունը կարճ բան է, քանզի բոլորը մոռացել են, որ ընդամենը 5 տարի առաջ Բաքվի բարբարոսական վարչախումբն էր վայնասուն ու կական բարձրացնում «20 տոկոսի», իբր, բռնազավթման մասին և ուրախանում հերթական Կոտ դ’Իվուարի կողմից իր տարածքային ամբողջականության ճանաչման փաստից»։
