Եկեղեցին այսօր չի լռում․ Եկեղեցին բարձրաձայնում է ճշմարտությունը․ Տեր Վրթանես Բաղալյան

12 Հուլիսի, 2025

Տեր Վրթանես Բաղալյանը  գրել է, որ եկեղեցին այսօր չի լռում։ Եկեղեցին բարձրաձայնում է ճշմարտությունը։

«Սիրելի եղբայրներ և քույրեր ի Քրիստոս,

Հոգևորականներով հավաքվել էինք Մայր Աթոռ Սուրբ Էջմիածնում Վեհափառ Հայրապետի հանդիսապետությամբ քննարկելու Եկեղեցու առջև ծառացած մարտահրավերներն ու արդի իրողությունները։

Սակայն Մայր Աթոռի մթնոլորը շատ տխուր էր, որովհետև ժողովին ներկա չէին բարեշնորհ Հրայր Սարկավագը, գերաշնորհներ Տեր Բագրատ և Տեր Միքայել արքեպիսկոպոսները։ Սա մի ցավալի իրավիճակ է, որը հարված է ոչ միայն վերոհիշյալ հոգևորականներին, այլև ամբողջ հավատացյալ ժողովրդին և ողջ հոգևոր դասին։

Մանավանդ, ակնբախ էր Տեր Միքայել արքեպիսկոպոս Աջապահյանի բացակայությունը, որովհետև տարիներ շարունակ քահանայից ժողովների հոգածու կազմակերպիչն ու առաջնորդողն էր։

Սրբազան Հայրն այսօր, ի հեճուկս օրենքի և արդարության, ապօրինաբար զրկվել է իր ազատությունից։ Նա ազատազրկվել է ոչ թե հանցանքի, այլ` հայրենասիրության, ճշմարտությունը բարձրաձայնելու, հավատքի, Հայ Եկեղեցու նկատմամբ անմնացորդ նվիրումի և ծառայասիրության համար։

Այսօր Մայր Աթոռ Սուրբ Էջմիածնում կայացավ նախկին քահանայից ժողովներից տարբեր քահանայից ժողով, քահանայից ժողովները տարիներ շարունակ իրենց ճշգրիտ ընթացքն ու ոգեղեն կարգը գտնում էին հենց Սրբազան Հոր հովվական խնամակալության ներքո, բայց այսօր ստիպված էինք հավաքն անցկացվել առանց նրա ֆիզիկական ներկայության։

Ժողովը պատշաճ կերպով համակարգեց Տեր Մուշեղ եպիսկոպոս Բաբայանը, սակայն բոլորիս հոգում բացակայում էր մի բան՝ արդարության ձայնը, որն այսօր խլացվել էր Նկիոլի պետական բռնազավթիչ մեքենայի կողմից։

Սիրելինե՛ր, Տերը մեզ զգուշացնում է.

«Երանի՜ է ձեզ, երբ մարդիկ ձեզ նախատեն ու հալածեն և ձեր մասին սուտ չար խոսքեր ասեն Իմ պատճառով։ Ցնծացե՛ք և ուրախացե՛ք, որովհետև ձեր վարձը մեծ է երկնքում» (Մատթ. 5:11-12)։

Այս խոսքերը ոչ թե պարզապես մխիթարություն են, այլ՝ ուղեցույց։ Քանզի երբ ծառան նմանվում է իր Տիրոջը, երբ նա դառնում է հալածված, նսեմացված և ազատազրկված՝ արդարության համար, այդ ժամանակ իսկ նա վկայում է Տիրոջ ճշմարտությունը։ Սրբազան Միքայելը՝ իր համբերությամբ, իր ամուր և անհողդողդ դիրքորոշմամբ, այսօր դառնում է կենդանի վկայություն այդ երանության կրողի։

Բայց ո՞ւմ ձեռքով է իրականացվում այս հալածանքը։ Հալածանք, որ իրագործվում է Նիկոլի հանձնարականներով գործող ուժային տարբեր ստորաբաժանումների կողմից, որոնք իրենց գործիքակազմը դարձրել են սուտն ու կեղծիքը և օրինականության դիմակով թաքցված անօրենությունը։

Սիրելինե՛ր, նիկոլիզմը ժամանակավոր ու անցողիկ է, բայց Եկեղեցին հավիտենական մարմինն է Քրիստոսի։ Նրանք, ովքեր անօրինաբար բռնանում են այս մարմնի դեմ, գործնականում հակադրվում են հենց Քրիստոսին։

Պողոս առաքյալն ասում է.

«Ովքեր ուզում են աստվածավախությամբ ապրել Քրիստոս Հիսուսով, պիտի հալածվեն» (Բ Տիմոթեոս 3:12)։

Այս խոսքը հատկապես պարզ է դառնում այսօր, երբ տեսնում ենք, թե ինչպես է Քրիստոսով ապրող առաջնորդը և այլ հոգևորականներ հալածվում՝ իբրև մեղավոր։

Բայց, սիրելինե՛ր, եթե հոգևոր հովիվներն են հալածվում, ապա բանավոր հոտը պիտի զարթնի ու հալածվողների կողքին կանգնի իր զորավոր աղոթքներով։ Սա փորձություն է, բայց նաև՝ ամրության պահ։ Մենք լռությամբ կարող ենք դառնալ մեղսակից անարդարությանը, իսկ մեր զորավոր աղոթքներով առիթ բարեշնորհ եղբոր և գերաշնորհ սրբազանների ազատության։

Եկեղեցին այսօր չի լռում։ Եկեղեցին բարձրաձայնում է ճշմարտությունը։ Եկեղեցին շարունակում է իր ուղին՝ խաչով, հալածանքով, բայց նաև՝ հարությամբ։ Եվ մենք այսօր միայնակ չենք, քանզի մեր կողքին է Տերը, և մեր մեջ՝ Նրա Սուրբ Հոգին։

Ուստի, եղբայրնե՛ր և քույրե՛ր, մեր աղոթքներում հիշե’նք Հրայր սարկավագին, Տեր Միքայել և Տեր Բագրատ արքեպիսկոպոսներին։ Աղոթե՛նք արդարության հաղթանակի և իրենց ազատության համար։ Հանուն Քրիստոսի չվախենա՛նք ընդդիմանալ խավարին։ Մեր հալածվող սարկավագների, քահանաների, վարդապետների, եպիսկոպոսների և կաթողիկոսի կողքին լինե՛նք։

Ամեն», — գրել է նա։

 

Նմանատիպ նյութեր

Արմավիրի մարզից 3 հոգի սուր կտրnղ-ծակnղ առարկայից ստացած հարվածներից տեղափոխվել են հիվանդանոց

Արմավիրի մարզից 3 հոգի սուր կտրnղ-ծակnղ առարկայից ստացած հարվածներից տեղափոխվել են հիվանդանոց

Երեկ՝ նոյեմբերի 16-ին, արտակարգ դեպք է տեղի ունեցել Արմավիրի մարզում։ Ժամը 07։20-ի սահմաններում ՀՀ ներքին գործերի նախարարության ոստիկանության քրեական ոստիկանության գլխավոր վարչության Արմավիրի մարզային վարչությունում օպերատիվ տեղեկություններ են ստացվել, որ «Վաղարշապատ»...

Իրանը հայտարարել է Հայաստանում նավթավերամշակման գործարանի կառուցմանը մասնակցելու պատրաստակամության մասին

Իրանը հայտարարել է Հայաստանում նավթավերամշակման գործարանի կառուցմանը մասնակցելու պատրաստակամության մասին

  Իրանի նավթի նախարարի պաշտոնակատար Համիդ Բովարդը հայտարարել է, որ Թեհրանը պատրաստ է մասնակցել Հայաստանում էներգետիկ խոշոր ծրագրերի իրականացմանը։ Մասնավորապես, Իրանը պատրաստ է օգտագործել իր տեխնիկական և ինժեներական հնարավորությունները Հայաստանում նավթավերամշակման...

Քոչարյանին կալանավորելուց հետո սկսվեց ազգային արժեքների կազմաքանդումը․ Անուշ Առաքելյան

Քոչարյանին կալանավորելուց հետո սկսվեց ազգային արժեքների կազմաքանդումը․ Անուշ Առաքելյան

«Հայաստան» դաշինքի անդամ Անուշ Առաքելյանը ֆեյսբուքյան իր էջում գրում է․ Երեկ մասնակցում էի Հայաստան խմբակցության կողմից կազմակերպված ԱԺ լսումներին։ Լուռ հետևում էի ելույթները։ Խոսվեց քաղբանտարկյալների, հետապնդումների ու հալածանքների մասին։ Այո, 2018 թվականից...

Ռուբինյանի խոսքը բացահայտում է նրա վերաբերմունքը սեփական արժանապատվության հանդեպ. Տեր Մանուկ քահանա

Ռուբինյանի խոսքը բացահայտում է նրա վերաբերմունքը սեփական արժանապատվության հանդեպ. Տեր Մանուկ քահանա

Տեր Մանուկ քահանա Զեյնալյանը գրել է․ «Անդրադառնալով Ազգային Ժողովի նախագահի փողոցային խոսույթին… Ռուբինյա՛ն, քաղաքական բանավեճը փողոցային արտահայտություններով մի՛ փոխարինեք։ Ձեր պաշտոնը Ձեզ պարտավորեցնում է բարձրացնել խոսքի մակարդակը, ոչ թե իջեցնել այն։ Ամենայն Հայոց...

Նոյեմբերյանի և Բերդի ճանապարհներին մառախուղ է

Նոյեմբերյանի և Բերդի ճանապարհներին մառախուղ է

Նոյեմբերի 16-ին՝ ժամը 20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է, տեսանելիությունը՝ 50-80 մետր։ Հայտնում են Ճանապարհային դեպարտամենտից։ Միջպետական և հանրապետական նշանակության բոլոր ավտոճանապարհները բաց...