Ադրբեջանական լրատվամիջոցներն արդեն հայտնել են, թե Աբու Դաբիում ինչ են քննարկել Ալիևը և Փաշինյանը մոտ 5 ժամ տևած հանդիպման ընթացքում, որը մեկ անգամ կարճ ընդմիջվել է:
Ի դեպ, հանդիպման վայրի առաջարկն արել էր Ադրբեջանը, Հայաստանն էլ համաձայնել է:
Իսկ, ըստ ադրբեջանական աղբյուրների, լուրջ և բովանդակային քննարկում է տեղի ունեցել խաղաղության օրակարգի առանցքային ուղղությունների՝ սահմանների սահմանազատման և սահմանագծման, «Զանգեզուրի միջանցքի» բացման և զարգացման, խաղաղության համաձայնագրի նախաստորագրման շուրջ:
Պայմանավորվածություն է ձեռք բերվել շարունակել բանակցությունները ինչպես տարբեր աշխատանքային խմբերի, այնպես էլ առավել բարձր մակարդակով:
