Հարյուրավոր հայկական բեռնատարներ են մնացել Վրաստան-ՌԴ անցակետի վրացական կողմում

8 Հուլիսի, 2025

Կազբեկի անցակետում, վրացական կողմում հարյուրավոր հայկական բեռնատարներ են մնացել: Վարորդներն անորոշության մեջ են՝ չեն կարողանում հատել վրացական անցակետը, որ հասնեն Վերին Լարս ու մտնեն Ռուսաստան։

Անցակետից «Ազատությանը» դիմած վարորդներից միայն մեկը համաձայնեց հարցազրույց տալ, բայց պայմանով, որ ձայնը փոխվի ու նույնականացվող ոչ մի տվյալ չհաղորդվի: Ասաց՝ հետագա նոր խնդիրներից է խուսափում:

«Ամսի 3-ից մտել եմ Վրաստան, մինչև էսօր Վրաստանում եմ: Մենակ ես չէ, բոլոր մեքենաները, անգամ դատարկ մեքենան, օրերով կանգնում ենք», — ներկայացրեց վարորդը:

Չձայնագրվելու պայմանով՝ վարորդներից մի քանիսն էլ ասացին, որ մեկը 5 օր է սպասում Կազբեկի անցակետում, մյուսը՝ արդեն մեկ շաբաթից ավելի և այդպես շարունակ: Պնդում են՝ անցակետի վրացի աշխատակիցները ոչինչ չեն բացատրում:

«Վրացական բոլոր մեքենաներն անկախ նրանից դատարկ է, թե բեռնված է, VIP-ով մտնում-դուրս են գալիս: Իրենց մեքենաները չեն սպասում, իրանց մեքենան մտնում ա Ռուսաստան, դուրս ա գալիս, գնում ա Հայաստանից իր գռուզը բարձում, նորից գալիս ա Ռուսաստան», — ասաց վարորդներից մեկը:

Հաճախ այսպիսի պատասխաններ են լսում. — «Ռուսերեն ինձ ասում ա՝ сперва наши машины»:

Բեռնատարների հայ վարորդը տարակուսած են՝ իրենցից շատերը դատարկ են գնում դեպի Ռուսաստան՝ բեռն այնտեղ բարձելու և վերադառնալու համար, հարցնում են՝ իրենք էլ հո կոնյակ չե՞ն տեղափոխվում, որ կանգնեցնեն ու խմիչքի որակը ստուգեն:

«Մտավախությունը, որ կոնյակից բացի այսուհետ բոլոր բեռնատարներն են արհեստական խոչընդոտներով վրացական սահմանն անցնելու Ռուսաստան հասնելու համար՝ կարծես իրականություն է դառնում», — նեղսրտում են նրանք:

«Ազատության» հետ զրույցում վարորդներից մեկն ասաց՝ իր բեռնատարը հերթերի ցուցակում 9000-րդն է, մինչդեռ իր հետևից եկած մեքենաները հեշտությամբ առաջ են անցնում. — «Ստայանկեն մտնելու համար 40 լարի վճարում ենք, Կազբեկի ստայանկի համար վճարում ենք 80 լարի, տրանզիտի համար վճարում ենք 355 լարի, բայց էդ վճարելու հետ միասին էլ օրերով կանգնած ենք, մնակ իրենց մեքենաներն են գնում»:

Պետեկամուտների կոմիտեից «Ազատությանը» փոխանցեցին՝ հարցն Էկոնոմիկայի նախարարության տիրույթում է։ Այս կառույցից էլ մամուլի խոսնակ Լիլիթ Շաբոյանն արձագանքեց՝ տեղյակ են խցանումներից, աշխատում են խնդրի լուծման ուղղությամբ:

Ամիսներ շարունակ վրացական կողմում խնդիրների են բախվում հատկապես կոնյակ արտահանողները, Վրաստանը սկսել է ստուգել իր տարածքով Ռուսաստան մտնող ու այնտեղ վաճառվող հայկական կոնյակի որակն ու այդ պատճառաբանությամբ բեռնատարներն ամիսներով մնում էին անցակետում: Այս հարցում թեև տեղաշարժ կա, բայց խնդիրն ամբողջությամբ չի լուծվել:

Արտահանողներն ու վարորդներն տարակուսած են՝ այդպես էլ հանելուկ մնաց, թե ինչո՞ւ Վրաստանը կտրուկ փոխեց իր վերաբերմունքը հայ արտահանողների նկատմամբ, պետական պաշտոնյաներն էլ այս հարցի պատասխանը չունեն: Պաշտոնական Թբիլիսին շարունակում է պնդել՝ խնդիրներ չկան, մաքսային նորմալ ընթացակարգ է:

Նմանատիպ նյութեր

Պապոյանի խառը հայտարարությունները․ Ռուսաստան չի մեկնել՝ սահմանափակումները չեն վերացվի. «Ժողովուրդ»

Պապոյանի խառը հայտարարությունները․ Ռուսաստան չի մեկնել՝ սահմանափակումները չեն վերացվի. «Ժողովուրդ»

«Ժողովուրդ» օրաթերթը գրում է. «Էկոնոմիկայի նախարար Գևորգ Պապոյանը վերջին օրերին Ռուսաստանի կողմից հայկական ապրանքների նկատմամբ կիրառվող սահմանափակումների հարցում բավականին խառը հայտարարություններ է անում՝ մի կողմից խոստանալով հասնել դրանց վերացմանը, մյուս կողմից՝...

Ամեն ինչ հանձնելուց հետո քո հրաժարականը ո՞ւմ է պետք. Սաղաթելյանը՝ Փաշինյանին

Ամեն ինչ հանձնելուց հետո քո հրաժարականը ո՞ւմ է պետք. Սաղաթելյանը՝ Փաշինյանին

ՀՀ ԱԺ պատգամավոր Իշխան Սաղաթելյանը ֆեյսբուքյան իր էջում գրում է. Իշխանությանը հեռացնելու համար ընդդիմությանը ոչ թե իշխանության հետ գործարքի գնալ է հարկավոր, այլ նրա հետ որևէ գործարքի բացառում։ Հետևաբար՝ ընդդիմությանն առաջարկված գործարքը. համաձայնեք Ալիևի բոլոր...

Գրիբոյեդով գյուղում «Merceders»-ը վթարի է ենթարկվել․ 22-ամյա 2 ուղևոր տեղափոխվել է հիվանդանոց

Գրիբոյեդով գյուղում «Merceders»-ը վթարի է ենթարկվել․ 22-ամյա 2 ուղևոր տեղափոխվել է հիվանդանոց

Նոյեմբերի 6-ին, ավտովթար է տեղի ունեցել Արմավիրի մարզում։ Ժամը 00։05-ի սահմաններում Գրիբոյեդով գյուղի սկզբնամասում Արմավիրի մարզի բնակիչ 24-ամյա Մելիք Հ․-ն իր վարած «Merceders» մակնիշի ավտոմեքենայով դուրս է եկել ճանապարհի երթևեկելի գոտուց և կողաշրջված հայտնվել...

ՊՆ-ն հաստատեց. զինծառայող է մահացել

ՊՆ-ն հաստատեց. զինծառայող է մահացել

Նոյեմբերի 18-ին հայտնաբերվել է ՊՆ N զորամասի պայմանագրային զինծառայող Ն. Բ.-ի դին՝ հրազենային վնասվածքով: Այս մասին տեղեկանում ենք ՊՆ-ից: Դեպքի հանգամանքներն ամբողջովին պարզելու նպատակով ընթանում է քննություն: Պաշտպանության նախարարությունը վշտակցում և զորակցություն է...

Սոթքի զորամասում պայմանագրային զինծառայող է մահացել․ Factor

Սոթքի զորամասում պայմանագրային զինծառայող է մահացել․ Factor

Factor TV-ի տեղեկություններով՝ Սոթքի զորամասում պայմանագրային զինծառայող Ն. Բ.-ն մահացել է: Նախնական տեղեկություններով՝ զինծառայողը կրակել է իր գլխին։ Կայքի տեղեկություններով` զինծառայողը Գավառից էր, հայրը երկրում չէ: Պաշտպանության նախարարությունից հայտնել են, որ քիչ...