Ըստ էության, մենք Թուրքիայի հետ հարաբերությունները սկսել ենք զրոյական կետից, ըստ էության, սա նոր հարաբերություններ հաստատելու հնարավորություն է, և սա մեր երկրների շահերից է բխում։ Այս մասին Էրդողանի հետ հանդիպումից առաջ Թուրքիայի հայ համայնքի հետ հանդիպման ժամանակ հայտնել է Հայաստանի վարչապետ Նիկոլ Փաշինյանը։
«2021-2022թթ. քննարկման արդյունքում մենք եկանք հետևյալ եզրակացության. եթե մենք ստանձնենք այս օրակարգը, պետք է հավատանք, որ դա հնարավոր է և իրագործելի, հակառակ դեպքում կստացվի, որ մենք խաբում ենք ինքներս մեզ, սխալ ուղերձ ենք հղում մեր հանրությանը, սխալ ուղերձ ենք հղում մեր միջազգային գործընկերներին, սխալ ուղերձ ենք հղում Թուրքիային, և սա արդեն շատ վատ սկիզբ է։ Ուստի մենք պետք է հավատանք այն բանին, որ դա իրականանալի խնդիր է»,- ավելացրել է նա։
Նրա խոսքով՝ ներկա քննարկումն իրականում սկսվել է 2022-ին Պրահայում Թուրքիայի նախագահ Էրդողանի հետ առաջին հանդիպումից, որից հետո Հայաստանի և Թուրքիայի միջև սկսվել է հատուկ ներկայացուցիչների երկխոսություն, ապա ակտիվ շփումներ են սկսվել արտաքին գործերի նախարարների միջև։
Մանրամասն՝ տեսանյութում։
