Քաղաքական վերլուծաբան Արգիշտի Կիվիրյանը News.am-ի հետ զրույցում ներկայացրել է, թե ինչ նպատակ է հետապնդում իմպիչմենտը։
«Սերժ Սարգսյանի մոտ մշտական ոճ է՝ ասել մի բան, անել դրա հակառակը։ Ինչպես իշխանություններն են մշտապես մոլորեցնում հանրությանը, նույն այդ գծի մեջ աշխատել ու աշխատում է Սերժ Սարգսյանը։
Այս գործընթացի իրական նպատակը հետևյալն է․ Սերժ Սարգսյանը փորձում է ընդդիմության դաշտը առավելագույնս մասնատել։ Ակնհայտ է մեկ բան․ փորձում են «Հայաստան» դաշինքը կապել Նիկոլ Փաշինյանի հետ և դրա արդյունքում դառնալ թիվ մեկ ընդդիմությունը՝ ցույց տալով, թե իբր իրենք են պայքարում Նիկոլի դեմ, իսկ մնացածը ծախված են։
Այս գործընթացը լիարժեք բխում է Նիկոլ Փաշինյանի շահերից։ Այս կերպ նա մասնատում է բոլորին՝ տիրելուց առաջ ու նրան այս հարցում աջակցում է Սերժ Սարգսյանը»,- նշել է նա։
