«Պարոն Սարգսյան, ի սկզբանե դատապարտված չէ՞ իմպիչմենթի գործընթացը, երբ 36 պատգամավոր չկան»,- Անդրանիկ Մարգարյանի ծննդյան օրվա առթիվ Պանթեոն այցելած ՀՀ երրորդ նախագահ Սերժ Սարգսյանին հարց ուղղեցին լրագրողները։
— Չէ, իհարկե չէ։ 36-ը ի՞նչ կապ ունի,- պատասխանեց Սերժ Սարգսյանը։
-Ինչպե՞ս եք պատկերացնում, պարզ մաթեմատիկական հաշվարկ է։
— Գիտե՞ք ես ինչից եմ զարմանում․ որ լրագրողը էդ թեմայով հետաքրքրվում ա, ինքը ուշադիր չի հետևում տարբեր մարդկանց բացատրությունների։ Եթե, օրինակ, դուք երեկ լսած լինեիք Հայկին Մամիջանյան, այդ հարցը չէիք տա։ 36-ը ի՞նչ կապ ունի, մեզ 54 ա պետք։ 36 չի պետք։
— 36-ը նախնական գործընթացը սկսելու համար։
— Ո՛չ։ Գործընթացը արդեն վաղուց սկսված ա։
— 36 պատգամավոր դրե՞լ է իր ստորագրությունը, պարոն Սարգսյան։
— Լսեք, ես ձեզ ասում եմ՝ գնացեք թեման ուսումնասիրեք։ Դուք չեք ուսումնասիրել, որովհետև գործընթացը սկսվում ա, երբ Ազգային Ժողովի մեկ պատգամավոր առաջադրում է վարչապետի թեկնածու։ Գործընթացը այդ ժամանակ ա սկսում։
— Նիստերի դահլիճ բերելու համար 36 մարդու ստորագրություն է պետք, պարոն նախագահ։
— Բայց մենք ասեցինք, որ նիստերի դահլիճ բերելու ենք, երբ ունենանք 54։ 36-ը կապ չունի։ Վատ թիվ եք ասում 36-ը։
