Գաղափարը, որ դրվել էր կարմիր գծերի տարիֆների բարձրացման հիմքում, ինքը որոշակի նպատակ ուներ, թե կենտրոնի բեռնաթափման, թե առհասարակ հասարակական տրանսպորտի ոլորտում մի շարք փոփոխություններ բերելու։ Այս մասին, այսօր՝ հունիսի 3–ին, լրագրողների հետ հանդիպման ժամանակ նշեց Երեւանի քաղաքապետի խոսնակ Հայկ Կոստանյանը՝ անդրադառնալով նրան, որ վարչական դատարանն անվավեր է ճանաչել Երևանում «կարմիր գծերի» սակագների բարձրացման վերաբերյալ ավագանու որոշման դրույթները։

Դիտարկմանը, որ «կարմիր գծերի» թանկացման արդյունքում Երեւանը չի բեռնաթափվել, նա նշեց. «Առաջիկայում, երբ արդեն ավտոբուսների համար առանձնացված գծերի քանակը էլ ավելի շատանա, կարծում եմ՝ շատերս կհամոզվենք, թե ինչի համար էր դա արված։ Առաջիկայում, արդեն հունիսի ընթացքում մի շարք փոփոխություններ ենք արդեն ունենալու, և, կարծում եմ, այդ մասով մենք նոր դրական փոփոխություններ կտեսնենք քաղաքում»։

Մանրամասն՝ տեսանյութում։