ՀՀ Արդարադատության նախկին նախարար Գևորգ Դանիելյանի ֆեյսբուքյան գրառումը․ «Հայ ժողովրդի նկատմամբ ցեղասպանությունները հետապնդել ու հետապնդում են մեկ նպատակ՝ ճանապարհ հարթել կեղծարարությամբ հայ հոգևոր֊ազգային արժեքները յուրացնելու, սեփականացնելու իսկ դրա անհնարինության դեպքում, այդ արժեքները բարբարոսաբար ոչնչացնելու նկրտումների համար։
Ադրբեջանը, ինչպես և սպասվում էր, չբավարարվեց Վատիկանում «Քրիստոնեությունը Ադրբեջանում» խայտառակ թեմայով գիտաժողով կազմակերպելով, դրան հաջորդեցին արդեն Բաքվում կայացած Ղազիների խորհրդի նիստում Կովկասի մուսուլմանների վարչության նախագահ Շեյխ-ուլ-իսլամ Ալլահշուքյուր Փաշազադեի գերդոզավորված կեղծիքները, ըստ որոնց՝ իբր Մայր Աթոռը հիմնադրվել է ադրբեջանական տարածքում։
Այս բարբաջանքներն անպատասխան չեն թողնվում, սակայն հատկապես կարևոր է լինելու ս.թ. մայիսի 27-ին Վեհափառ Տիրոջ՝ շուրջ 400 բարձրաստիճան հոգևորականների առջև ելույթը, որում խիստ փաստարկված բացահայտվելու է ողջ այդ կեղծարարությունը և դրա հեռահար նկրտումները։ Բնորոշ է այն, որ Մայր Աթոռի ջանքերով համաժողովը կրելու է «Լեռնային Ղարաբաղի հայկական հոգևոր, մշակութային և պատմական ժառանգության պահպանությունը» խորագիրը»:
Վճռաբեկ դատարանի նախագահին սպասարկող «Toyota»-ի վարորդը խախտում է ճանապարհային երթևեկության կանոնները
Սեպտեմբերի 10-ին՝ ժամը 12:33-ի սահմաններում, Երևանում «Toyota» մակնիշի «001 SS 01» համարանիշի ավտոմեքենայի վարորդը Տիգրանյան փողոցում, կոպիտ կերպով խախտելով ճանապարհային երթևեկության կանոնները, վազանց է կատարել, ապա ավտոմեքենան վարել հանդիպակաց երթևեկելի գոտիով,...
