Իրանի հարավային Հորմոզգան նահանգի Բանդար Աբբաս քաղաքի Շահիդ Ռաջայի նավահանգստում տեղի ունեցած պայթյունի հետևանքով զոհերի թիվը հասել է 65-ի։ ՌԻԱ Նովոստիի փոխանցմամբ, այս մասին հայտնել է նահանգապետ Մոհամմադ Աշուրին։
Ապրիլի 26-ին Բանդար Աբբաս քաղաքի Շահիդ Ռաջայի նավահանգստում հզոր պայթյուն է տեղի ունեցել։ Իրանի ներքին գործերի նախարարությունը հայտարարել է, որ միջադեպը տեղի է ունեցել անփութության պատճառով։ Ավելի վաղ Իրանի իշխանությունները և լրատվամիջոցները հայտնել էին, որ միջադեպի հետևանքով զոհվել է առնվազն 46 մարդ, իսկ վիրավորվել՝ առնվազն 1200-ը։
«Շահիդ Ռաջայի նավահանգստում տեղի ունեցած միջադեպի հետևանքով զոհերի թիվը հասել է 65-ի»,- նահանգապետի խոսքերն է մեջբերում Fars լրատվական գործակալությունը։
