«Հրապարակ» թերթը գրում է.
«Արդեն երկրորդ տարին է, որ Հայրենական մեծ պատերազմին նվիրված մայիսի 9-ի իր ուղերձում Նիկոլ Փաշինյանը չի անդրադառնում Շուշիին. մայիսի 9-ը նաև Շուշիի ազատագրման օրն է: Կար ժամանակ, որ հայ ժողովրդի համար այդ օրը եռատոն էր, նաև՝ Արցախի Պաշտպանության բանակի կազմավորման օրը։ Հերիք չէ, որ Նիկոլ Փաշինյանն ու իր խմբակը մեզնից գողացան եռատոնը, անգամ չեն էլ հիշատակում, որ այդպիսի տոն է եղել։ Շուշիի մասին 2023 թվականին է վերջին անգամ Փաշինյանը հիշատակել․
«Վերջին տարիներին մայիսի 9-ը դիմավորում ենք դառնացած ու տագնապներով: Սա առաջին հերթին կապված է 2020թ. 44-օրյա պատերազմի ծանր հետևանքների հետ, պատերազմի ընթացքում Շուշիի կորստով»։ Իսկ այս տարի ուղերձում Արցախի բանակի և Շուշիի մասին ոչ միայն բառ չկար, այլև տեղեկացանք, որ պետական բոլոր պաշտոնյաներին, այդ թվում՝ ՏԻՄ ղեկավարներին են «բարձր» մակարդակով հրահանգել, որ իրենց ուղերձներում նպատակահարմար չէ անդրադառնալ Շուշիի ազատագրմանը։
Ուսումնասիրելով որոշ համայնքապետարանների ֆեյսբուքյան էջերը՝ Շուշիի ազատագրման մասին հիշատակում չգտանք։ Օրինակ Դիլիջանի «արու» համայնքապետ Դավիթ Սարգսյանը մայիսի 9-ի ուղերձում հիշել է միայն 1945թ․-ը։ Ամոթալի շքերթին միացել են նաև ՔՊ-ական մյուս համայնքապետերը։ Ընդդիմադիր որոշ համայնքապետեր ,այդուհանդերձ ,իրենց ուղերձներում հիշել են և՛ Շուշին, և՛ Արցախը»։
Մանրամասները թերթի այսօրվա համարում։
