Լրագրող, հանրային գործիչ Նաիրի Հոխիկյանի թելեգրամյան գրառումը․
«Տավուշի մարզում ոստիկանության պարեկային մեքենան անզգուշաբար հարվածել է ճանապարհին հայտնված կովին։ Խաչատուր Սուքիասյանի անվան հետ կապվող ապահովագրական ընկերությունը վթարի մեղավոր է ճանաչել կովին, քանի որ այդ կովն անցել է ճանապարհի չթույլատրված մասով։
Այլ կերպ ասած՝ կովը մեղավոր է, որ հետիոտնային անցումով չի անցել ճանապարհը։
Վթարի կողմեր են ճանաչվել ոստիկանության պարեկը և կովը։
Հիմա ոստիկանի մեղքով վթարի պատճառով որոշվել է 2,4 մլն դրամով տուգանել կովին, բայց քանի որ կովը սատկել է, պիտի տուգանվի կովի տերը։
Գործը մտել է դատարան։
Փաստաբանների համար հետաքրքիր գործ է։ Տեսնենք, թե ով կստանձնի ոստիկանի ու կովի այս հույժ կարևոր դատավարությունը»։
