Vesti.am-ի խմբագիր Էդուարդ Սարիբեկյանը ֆեյսբուքյան էջում գրում է․
«Համաձայն եք, չէ՞, որ Խաչատուր Սուքիասյանի համար 10-ը և 210-ը նույն՝ շփոթելի թվերը չեն: Փորձեք նրա արտադրած հանքային ջուրը 210-ի փոխարեն 10 դրամով գնել ու կհասկանաք, թե նրա համար ինչ է նշանակում նույնիսկ 1-ը:
Երեկ նա աչքի ընկավ մի զազրելի դրվագով, երբ հայտարարեց, որ 23 թվականի սեպտեմբերի պատերազմի ընթացքում 10 մարդ է զոհվել: Իհարկե, հետո իբր ներողություն խնդրեց, թե 210 պետք է ասեր, բայց …
Համոզված եմ, որ եթե այդ օրերին Արցախում ոչ թե 210 այլ 2100 մարդ զոհված լիներ, Խաչատուր Սուքիասյանն այդ թիվն էլ էր փոքրացնելու, որովհետև նրա նպատակը ոչ թե վիճակագրությունն է, այլ արցախցիների նվաստացումը, նրանց նկատմամբ ատելություն սերմանելը, նրանց հայաստանյան ներքաղաքական իրողություններից մեկուսացնելն ու բացառելը:
Մյուս կողմից՝ Խաչատուր Սուքիասյանի ու նրա նմանների համար ի՞նչ արժեք ունի 210 կամ 2100 մարդու կյանքը, եթե դիմացը թուրքերի ու ադրբեջանցիների հետ առևտրի միլիոնավոր դոլարներն են»:
